Mavzu: Imom Ahmad ibn Hanbal

O`ZBEKISTON MUSULMONLARI IDORASI MIR-ARAB
O`RTA MAXSUS BILIM YURTI


IV kurs talabasi
Mustafoyev Mahmudning
“Imom Ahmad ibn Hanbal”
MAVZUSIDA YOZGAN
ILMIY RAHBAR : ______ Ahmedov N.
BAJARDI: ______ Mustafoyev M.
Buxoro - 2009 yil


Mavzu: Imom Ahmad ibn Hanbal

REJA

1) Kirish


2) Asosiy qism
a) Imom Ahmad Hanbal r.a. kim? Hayoti va faoliyati.

b) Imom Ahmad Hanbaliy mazhabining kelib chiqishi

v) Ustozlari va shogirdlari.

g) Hanbaliya mazhabining mavqeyi.

3) Xulosa

4) Foydalanilgan adabiyotlar


KIRISH

Yer yuzida insonni mukarram qilgan, unga umr, aql va idrok bergan barcha maxluqotning Yaratguvchisi Alloh taologa O`zining ulug'ligi va qudrati qadar hamdu sanolar bo`lsin.Ummatlariga Allohning dini, Islom dinini sof holda yetkazgan, ummatlariga qanday yashash kerakligini o`zining umri va amallari bilan mukammal qilib ko’rsatib ketgan, olamlar sarvari, payg'ambarlar gultoji bo`lgan payg'ambarimiz Muhammad s.a.v ga beadad durud va salovatlar bo`lsin. 

Madaniy olamdan qum sahrolari bilan ajralib qolgan arab yerlarida yangi aqidaning tuxumi ekilgandi. Mana shu aqida rivojlanib butun yer yuzi aholisiga erishtirilishi uchun Alloh taolo butun madaniy dunyo hayotidan ajralib qolgan arab yerini tanlagandi. Mana shu yerdan aqida porloq nurini butun olam uzra yoya oldi. Bu narsa Alloh taborak va taolo mazkur yangi aqidani nechog'lik o`z rivoyatida va himoyatida asrashligini ko`rsatadi. Chunki ushbu aqidani avvalo biror katta mamlakatning hukmroni qabul qilib keyin uni boshqalarga ham yuqoridan turib majburan qabul qildirgani yo'q. Balki hamma teng barobar avvalda mazkur aqidani dunyo xalqlari orasida yoyilishiga to'sqinlik qildi. Shunga qaramay, "Aqida" oddiy xalq tomonidan qabul qilindi. Aqidani qabul qilganlar boshiga tushgan kunlar tarixdan sizga ma`lumdir. Har qanday bilim va siyosat sohasida yo'q darajada bo`lgan oddiy kishilar mana shu aqidani qabul qilishganidan so`ng siyosat, madaniyat, odamgarchilik, axloq sohalarida shunday yuksak darajaga erishdilarki, dunyo bundayini o`z tarixida boshidan kechirma-gandi. Olam sahnasida hech qanday ahamiyat kasb etmagan oddiy kishilar madaniyat, axloq sohasidan yiroq holda jo`ngina turmush kechirayotgan sodda odamlar, mazkur aqidani qabul qilganlaridan keyin nafaqat madaniyat, axloqda yuksak darajani egallash bilan kifoyalanib qoldilar, balki avvalda hech qanday o`zligi bo`lmagan kimsalar endilikda aqida barokoti tufayli olamga axloq, madaniyat maydonida namuna bo`lib qoldilar. Dunyo butunlay jaholat hukmronligi ostiga tushib qolgandi. Mazkur aqidani egallagan zotlar jahonni jaholat hukmronligidan qutqazib nuroniy olamga olib chiqdilar. Mana shunday kishilardan biri imom Ahmad ibn Hanbal bu kishi islom dini rivojida, Alloh yo’lida payg’ambarimiz sunnatini mahkam ushlab uni himoya qilganlar.Jonlaridan kechdilar ammo, haqdan kechmadilar.Umurlarining oxirlarigacha islom dini rivojiga o’z hissalarini qo’shgan kishilardandir.