Jinoyat protsessual huquqi modulidan 1-variant

Jinoyat protsessual huquqi modulidan
1-variant
1.Ma’lumki O‘zbekiston Respublikasi Prezidenti Sh.M.Mirziyoyevning 2017- yil 21- fevraldagi PF-4966-son Farmoniga asosan sud majlisi kotibi vazifasi tugatilib uning o‘rniga sudya yordamchisi, sudya katta yordamchisi lavozimlari joriy etildi. Nima deb o‘ylaysiz sud majlisi kotibi vazifasining o‘rniga sudya yordamchisi, sudya katta yordamchisi lavozimlarining joriy etilishi qanday afzallik jihatlari mavjud.
2.Sudya jinoyat ishini ayblov xulosasi bilan yoki tibbiy yo‘sindagi majburlov choralarini qo‘llash masalasini ko‘rib chiqish uchun ishni sudga yuborish to‘g‘risidagi qaror bilan qabul qilib olgach, jinoyat ishini sudda ko‘rish uchun tayinlaydi yoxud boshqacha qaror qabul qiladi.
Jinoyat ishini sudda ko‘rish uchun tayinlash yoxud boshqacha qaror qabul qilish tartibini tahlil qilgan holda bayon qiling. (Har bir holat yuzasidan bittadan misol keltiring)
Kazus
Ichki ishlar xodimlari tomonidan Borisov og‘ir tan jarohati bilan topilib, kasalxonaga keltiriladi. Bu tumanda 9-o‘xshash jinoiy holat edi. Ushbu o‘xash jinoyatlarni sodir etishda tuman Tibbiyot birlashmasi boshlig‘i Shodievning o‘g‘illari ham gumon ostiga olingan edi.
Tergovchi og‘ir tan jarohati olib shifoxonaga tushgan Borisovdan zudlik bilan ko‘rsatuv olish uchun uning palatasiga keladi. Biroq, vrachlar uning sog‘lig‘i tergov harakatiga ishtirok etishga imkon bermasligini ma’lum qilib, unga kirishga ruxsat berishmaydi.
Tergovchi navbatchi vrachni alloqachon qo‘zg‘atilgan jinoyat ishi bo‘yicha guvoh sifatida so‘roq qilib, bemor Borisovning sog‘lig‘i xususida so‘raganda bu savolga ekspertiza tergov harakati bilan javob olish mumkinligini, bemorning sog‘lig‘i va unga dahldor boshqa ma’lumotlarni sir saqlash ularning kasbiy majburiyati ekanligini ma’lum qiladi.
Mazkur holatga jinoyat-protsessual qonunchiligi asosida huquqiy baho bering.

Jinoyat protsessual huquqi modulidan
2-variant
1.Sudning vakolatlarini tahlil qiling hamda murdani eksgumatsiya qilish, pochta-telegraf jo‘natmalarini xatlashda sudning sanksiyasi olinishining zurarligini asoslab bering. Sizningcha yana qaysi tergov harakatlarini amalga oshirishda sudning sanksiyasi zarur deb o‘ylaysiz?
2.So‘roq qilinuvchining ilgarigi so‘roqlarda bergan ko‘rsatuvlarini o‘qib eshittirish asoslarini tahlil qiling. Sizningcha qanday hollarda so‘roq qilingan shaxsning ilgarigi so‘roqlarda bergan ko‘rsatuvlari o‘qib eshittirilishi mumkin. “Gumon qilinuvchi, ayblanuvchi, sudlanuvchi so‘roq qilinayotganda agar u oldin so‘roq qilingan bo‘lsa uning ilgarigi bergan ko‘rsatuvlari albatta o‘qib eshittirilishi shart” degan normani Jinoyat protsessual kodeksiga kiritish lozim degan taklifga munosabatingizni bildiring.
Kazus
Salimova tanishi Topilovning ishonchiga kirib, uning 2,5 mln. so‘mlik noutbugini sotib berishini aytadi va uning noutbugini qo‘lga kiritgach, uni sotib, pullarni o‘z ehtiyojlariga sarflaydi. Topilovning arizasi natijasidan to‘plangan ma’lumotlar asosida Salimovaga nisbatan JK 168-moddasi 1-qismi bo‘yicha jinoyat ishi qo‘zg‘atiladi.
Tergov davomida tergovchi Salimova va Topilovni o‘z xonasiga chaqirganida Salimova tergovchi Jabborovning oldida Topilovga 1,5 mln so‘m beradi va Topilovga agar yarashuvga rozi bo‘lib, bu haqda ariza yozib bersa unga qolgan pullarini qaytarib berishini, agar yarashuvga rozi bo‘lmasa, unga qolgan pullarni qaytarmasligini aytadi. Salimova Topilovga tergovchining xonasidan chiqishlari bilan qolgan pullarni olish sharti bilan yarashuvga rozi bo‘lishini taklif qiladi.
Ish sudga borgandan keyin holatga oydinlik kiritish maqsadida ishni tergov qilgan Jabborov guvoh sifatida sudga chaqirtiriladi.