Elektronika va avtomatika fakulteti «oliy matematika» kafedrasi «fanlar integratsiyasini ta

О‘ZBEKISTON RESPUBLIKASI OLIY VA О‘RTA MAXSUS TA’LIM VAZIRLIGI
QARSHI MUHANDISLIK-IQTISODIYOT INSTITUTI



ELEKTRONIKA VA AVTOMATIKA FAKULTETI
« OLIY MATEMATIKA » KAFEDRASI
« FANLAR INTEGRATSIYASINI TA’MINLASH ORQALI TALABALARNI ISHLAB CHIQARISH AMALIYOTIGA TAYYORLASH METODIKASI»
(Neft va neft-gazni qayta ishlash texnologiyasi yo’nalishi)

O‘QUV - USLUBIY QO‘LLANMA

Qarshi-2021

Mazkur o’quv-uslubiy qo’llanmada “5321300 - Neft va neft-gazni qayta ishlash texnologiyasi” yo’nalishi talabalarini zamonaviy ta’lim metodlari asosida tabiiy-ilmiy va gumanitar, umumkasbiy va ixtisoslik fanlari integratsiyasini orqali ishlab chiqarish amaliyotiga tayyorlash kabi masalalar bayon etilgan.

Ta’lim samaradorligini oshirish maqsadida fanlar integratsiyasini ta’minlash


Tuzuvchilar: Qarshi muhandislik-iqtisodiyot instituti oliy matematika kafedrasi katta o’qituvchisi M.Q.Movlonov

Taqrizchilar: Qarshi Davlat pedagogika universiteti p.f.d. prof. R.D.Shodiyev
Qarshi muhandislik-iqtisodiyot instituti dotsenti oliy matematika kafedrasi
p.f.Ph.d, dotsent M.X.Egamov
Ushbu o’quv uslubiy - qo’llanma “Oliy matematika” kafedrasining (“____” ____ 2021 yil ___-bayonnoma) yig’ilishi va QMII Uslubiy Kengashi yig‘ilishning (____ ______2021 yil ____ -bayonnoma) qaroriga asosan o’qub jarayonida foydalanishga ruxsat etilgan.

KIRISH

Hozirgi kunda dunyo hamjamiyatining ilmiy-texnik taraqqiyoti, ta’lim, fan va ishlab chiqarish sohalaridagi ulkan islohatlar, ilmiy- axborotlar tizimining rivojlanishi va takomillashuvi ta’lim mazmuniga innovatsion va integrativ yondashuvlarni tadbiq etish bilan ifodalanadi. Ayniqsa ishlab chiqarish jarayonida ta’lim integratsiyasi masalalari alohida o’rin tutadi.

Jahon pedagog olimlari va amaliyotchilari tomonidan ilmiy asoslangan ilg’or ta’lim texnologiyalari va axborot texnologiyalarini ishlab chiqish va ularni ta’lim jarayoniga joriy etish, me’yoriy hujjatlarni takomillashtirish, ta’lim sifatini yaxshilash bo’yicha tadqiqotlar olib borilmoqda. Oliy ta’lim tizimini ijtimoiy soha va iqtisodiyot tarmoqlari ehtiyojlaridan kelib chiqqan holda, fan, ta’lim va ishlab chiqarishning mustahkam integratsiyasini ta’minlash asosida ta’lim sifatini yaxshilash, raqobatbardosh kadrlar tayyorlash, ilmiy va innovatsion faoliyatni samarali tashkil etishga oid ilmiy izlanishlarga e’tibor qaratilmoqda.
Mamlakatimizda ham mehnat bozori va ish beruvchilarning ehtiyojlariga javob beradigan mutaxassisliklar bo’yicha yuqori malakali kadrlar tayyorlash hamda ishga joylashtirish borasidagi ishlarni takomillashtirish masalalariga katta e’tibor qaratilmoqda. Ushbu vazifalarni ilmiy-nazariy jihatdan hal etishda oliy ta’limda bakalavriat ta’lim yo’nalishlarining tabiiy – ilmiy gumanitar, umumkasbiy va ixtisoslik fanlaridan tuzilgan fan dasturlari mazmuni hozirgi zamon innovatsion va pedagogik texnologiyalari yordamida tegishli mutaxassislikka oid amaliy masalalarni yechish bo’yicha o’qitishni maqsad qilib qo’ygan. Bu esa oliy ta’limda fanlararo integratsiyasini ta’minlash imkoniyatlaridan unumli va maqsadli foydalanish ta’lim jarayoni samaradorligi, kadrlar tayyorlash sifatini oshirishga ijobiy ta’sir qilishini ko’rsatadi.