7-mavzu: kar’era turlari va bosqichlari. Reja: Kar’era va kar’era turlari

7-MAVZU: KAR’ERA TURLARI VA BOSQICHLARI.

Reja:

1.Kar’era va kar’era turlari.

2.Kar’eraga menejer aurasi va avtoritetining ta’siri.

3.A.Maslouning ehtiyojlar ierarxiyasi va kar’era masalalari.

4.Kar’erani amalga oshirish shartlari.
1.Kar’era va kar’era turlari.

Tayanch iboralar:Kar’era, sinov, kasb kar’erasi,kar’eragramma, ixtisoslashtirilgan ka’rera, ixtisoslashtirilmagan ka’rera,vertikal kar’era, xizmat, lavozim, pillapoya, lavozim, imidj, boshqaruv, ijtimoiy persepsiya, boshqarish, tashkilot, men obrazi, maqsad, shaxsiy o’sish strategiyasi, pozisiya, “fikr liderlari”, rahbarning induvidual sifatlari, bevosita yuqoriga ko’tarilish, o’sish, professiogramma, professigrafiya, ixtisoslik, psixogramma, kasb va mehnat, kasbning psixologik portreti.

Bshqaruv jarayonini psixologik asoslash va rahbar faoliyatini aniq maqsadlar asosda rivojlantirish bevosita lavozimda o’sish orqali amalga oshiriladi. Shuning uchun ham kar’era tushunchasi ilmiy va nazariy tomondan asoslanadi.

Ma’lumki, boshqaruv – murakkab ijtimoiy jarayonlardan biri bo’lib, u nafaqat iqtisodiy, ijtimoiy, siyosiy va psixologik bilimlarni nazariy jihatdan, balki amaliy jihatdan ham o’zlashtirgan holda yetarli tayyorgarlikka ega bo’lishlikni talab etadi. Bunda umumiy, texnik, iqtisodiy, omilkorlik va tashkilotchilik qobiliyatlariga ega bo’lish bilan birga, rahbar barcha haqiqatlarni tushunish orqali ko’p qirrali vaziyatlarda, sharoitlarda o’z qiyofasini amaliy tarzda to’g’ri ifoda eta olishni bilishi zarur. Vaholanki, rahbar tomonidan olib boriladigan boshqaruv jarayonini maqsadga muvofiq ravishda amalga oshishi uchun qiyofaning roli ham katta ahamiyatga ega bo’ladi. Ta’kidlab o’tish joizki, rahbar shaxsining barcha qobiliyatlarini mukammallashtirish boshqaruvda qanchalik ahamiyat kasb etsa, rahbarda qiyofani maxsus shakllantirish bilan professonal faoliyatda kamolotga erishish ham shunchalik muhim.