Zoologiya(Omirtqali) pa'ninen Laboratoriyalıq jumıslar Jumıstı orınlawǵa kórsetpeler

Omırtqa dúzilisi. Akula omırtqası miy qutısınıń jelke bólimi menen bekkem baylanısqan. Ol qutınıń jelke bóliminen quyrıqtıń aqırına deyin dawam etedi. Hár bir gewde omırtqası (22-súwret) omırtqa denesinen, joqarǵı taǵadan turadı hám ushları tutasıp arqa miy kanalın hám tómengi taǵanı payda etedi. Gewde bólimi omırtqalarınıń tómengi taǵası qısqa bolıp, bir qansha basqa tárepke qaratılǵan hám kese ósimsheler payda bolıp, oǵan qabırǵa tutasadı. Quyrıq bólim omırtqalarınıń tómengi taǵası qosılıp gemal kanalın payda etedi hám onıń arasında qosımsha shemirshek plastikası boladı.
Barlıq shemirshekli balıqlarday akula omırtqasıda eki tárepinen oyıs (amficelli). Xorda qaldıǵı omırtqa aralıǵında hám omırtqa denesiniń orayında saqlanǵan.
Qalashları hám olardıń belbewleri. Akulanıń iyin belbewi jup shemirshek taǵası túrinde bulshıq et qatlamında, sońǵı saǵaq tesiginiń artında erkin jaylasqan. Hár yarım taǵanıń tómengi yamasa korakoid bólimi qursaqtıń yarımında birigedi, al joqarǵı jawırın bólimi keń aralıqta bólingen. Korakoid hám jawırın aralıǵında dóńes bolıp oǵan qalash skeletleri birigedi (23-súwret).
Kókirek qalash skeletleri (23-súwret) úsh tiykarǵı shemirshek túrinde yamasa bazalii, iyin belbewiniń tiyisli dóńesine birigedi.



22-súwret. Akulanıń gewde A hám quyrıq B omırtúalarınıń dúzilisi.
1-Omırtqa denesi, 2-xorda qaldıǵı, 3-joqarǵı taǵa, 4-joqarǵı súyeklesken ósimte, 5-arqa miy kanalı, 6-tómengi taǵa, 7-tómengi súyeklesken ósimte.

23-súwret. Akulanıń iyin bedemesi hám kókirek qalashı.
1-karakoid bólimi, 2-jawırın bólimi, 3-bazaliy, 4-radiyaliy, 5-mayısqaq elastikalıq sabaqlar.
Bul shemirshekler óz gezeginde maydaraq shemirsheklerdi yamasa 2-3 qatar radialiydi uslap, onıń ushları názik juqa mayısqaq jipsheler menen tutasadı.
Jambas belbewi-bir jalpaq shemirshekten turadı. Akulanıń qursaq qalash skeletinde eki bazaliy bolıp, oǵan mayda radialiy shemirshekleri birigip, onıń shetleri mayısqaq sabaqshalar menen uslap turıladı (24 s).
Barlıq taq qalash skeletleri júdá kúshli shemirshek nurlarına ajıralǵan bólimlerden turadı.