Зомин шахрида курулиши режалаштирилган йиллик ишлаб чикариш куввати 30000 дона бўлган қурулиш ғиштини ярим қуруқ усулида ишлаб чиқариш корхонасини лойиҳалаш

Буюмларни қуритиш. Қолипланган буюмларнинг (хом ашёнинг) намлигини камайтириш учун уларни қуритиш зарур, масалан хом ғишт 8-10% намликкача қуритилади. Қуритиш ҳисобига хом ашёнинг мустаҳкамлиги ва шакли ўзгаришининг олди олинади. Буюмларни табиий ва сунъий усулда қуритиш мумкин.
Қуритиш бостирмаларида табиий усулда қуритиш ёқилғи сарфлашни талаб қилмайди, лекин узоқ вақт (10-15 кун) давом этади ва ҳавонинг температураси ва намлигига боғлиқ бўлади. Бундан ташқари, табиий усулда қуритиш учун кенг хоналар талаб қилинади.
Хозирги вақтда йирик заводларда, одатда, хом ашё вақти-вақти билан ишлайдиган камерали қуритгичларда ва узлуксиз ишлайдиган тунелли қуритгичларда сунъий усулда қуритилади.
Қуритиш режими буюм турига қараб танланади. Қуритгичларда пишириш печларининг тутун газлари, шунингдек, махсус ўтхоналарда ҳосил бўладиган газдан фойдаланилади.
Хом ашёни қуритиш муддати 1 дан 3 кеча-кундузгача давом этади, юпқа буюмлар эса бир неча соатда қуритилиши мумкин.
Буюмларни пишириш керамик буюмлар ишлаб чиқариш технологияси жараёнининг ҳал этувчи босқичидир. Пишириш жараёнини шартли равишда уч даврга бўлиш мумкин: хом ашёни қиздириш, пишириш ва совитиш. Хом ашёни қиздиришда температура аст-секин 100-120⁰С гача кўтарилади, бунда ундан эркин сув чиқариб юборилади. Шундан кейин температура 750⁰С гача кўтарилади, гилли минералдаги ва хом ашё аралашмасининг бошқа брикмаларидаги органик аралашмалар ёниб битади ва химиявий боғланган сув чиқиб кетади. 800-900⁰С да пишириш жараёнида осон эрийдиган брикмалар эрийди ва эримаган заррачаларни ўраб олади, бунда бумнинг чизиқли ўлчамлари кичраяди ва зичланади. Температурани ошириш давом эттирилса, гил массаси қовушади. Максимал пишириш температураси фойдаланиладиган гилнинг хоссаларига ва пишириладиган буюм турига боғлиқ. Пишириш натижасида керамик буюмлар тошсимон ҳолатга, юқори мустаҳкамликка, сувга ва совуққа чидамлиликка ва бошқа хоссаларга эга бўлади.

Расмдан кўриниб турибдики, пишириш температурасининг ошиши билан С нуқтада пишиш даражасининг ошиши ва сув шимувчанликнинг камайиши кузатилади, чунки tC температурада материалнинг куйиши – эриши ва кўпчиши жараёни кузатилади. Осон эрийдиган тупроқларнинг пишиш интервали (ғиш ва керамзит ишлаб чиқиш учун) 50 – 100 С, ўтга чидамли тупроқлар учун – 400 С.
Керамик буюмлар ҳалқасимон, туннел, тирқишли, роликли, ва бошқа печларда пиширилади.
Пишириш жараёнида тупроқ минераллари парчаланади ва муллитга айланади.
3(Аl₂О₃ ^. 2SiО₂ ^. 2H₂О) 1000 - 1300⁰ C 3(Al₂О₃ ^. 2SiО₂₎ +6H₂О
каолинит муллит.