Зомин шахрида курулиши режалаштирилган йиллик ишлаб чикариш куввати 30000 дона бўлган қурулиш ғиштини ярим қуруқ усулида ишлаб чиқариш корхонасини лойиҳалаш

Мавзунинг ўрганганлик даражаси. Керамик буюмлар ишлаб чиқариш муаммоси МДҲ мамлакатларининг қатор материалшунос олимлари Н.Г.Нагибин, И.В.Пищ, Ю.Г.Дудеров, А.А.Крупа, В.К.Канаев, К.К.Стрелов, Ю.П.Горлов ва бошқалар томонидан тадқиқ этилган. Ўзбекистонда керамик буюмлар ишлаб чиқариш ва уларнинг такомиллашиб ўзгариб бориш асослари Президентимиз Ш.М.Мирзияевнинг маъруза ва Қарорларида илгари сурилган. Шунингдек, Ф.Х.Тожиев, Т.А.Отақўзиев, Н.А.Самиғов, Э.К.Қосимов каби олимларнинг илмий ишларида керамик буюмлар ишлаб чиқариш технологиялари ва унинг такомиллашувининг айрим жиҳатлари тадқиқ этилган.
Битирув малакавий ишининг мақсади ва вазифалари. Керамик буюмлар ишлаб чиқаришда вужудга келадиган технологик масалалар ва уларни лойиҳалашга қаратилган илмий тавсиялар ҳамда амалий таклифлар ишлаб чиқишдан иборат.
Лойиҳалаш предмети. Керамик буюмлар ишлаб чиқаришда технологик жараённи лойиҳалаш билан боғлиқ бўлган назарий ва амалий муаммолар ҳисобланади.
Лойиҳалаш объекти. Ярим қуруқ усулда керамик ғишт ишлаб чиқаришни лойиҳалаш ҳисобланади.
Битирув малакавий ишининг назарий ва услубий асослари. Олий Мажлис томонидан қабул қилинган қонунлар, Президент фармонлари ва меъёрий ҳужжатлар, материалшунос олимларнинг керамик буюмлар ишлаб чиқариш соҳасида технологияни ривожлантириш масалаларига бағишланган илмий ишлари лойиҳалашнинг назарий ва услубий асосини ташкил этади. Ҳимояга олиб чиқилаётган асосий ҳолатлар керамик буюмлар ишлаб чиқишнинг ўзига хос хусусиятларини тадқиқ этиш ҳамда уларни лойиҳалаш йўналишларини ишлаб чиқишдан иборат.
Лойиҳалашнинг назарий ва амалий аҳамияти. Лойиҳада керамик буюмлар ишлаб чиқариш технологик жараёнга боғлиқ тарзда тадқиқ этилган. Улардан келажакда амалга ошириладиган лойиҳа-конструкторлик ишларида, «Қурилиш материаллари ва буюмлари», «Ишлаб чиқаришни лойиҳалаш асослари» фанларини ўқитишда фойдаланиш мумкин.
Лойиҳалаш натижаларининг муҳокамадан ўтказилиши. Лойиҳалаш натижасида эришилган назарий қоидалар ва амалий хулосалар Жиззах политехника институти «Қурилиш материаллари, буюмлари ва конструкциялари технологияси» кафедраси йиғилишининг 2018 йил 22 апрелдаги 9-сонли йиғилишида муҳокама қилинган ва ижобий баҳоланган.