Зомин шахрида курулиши режалаштирилган йиллик ишлаб чикариш куввати 30000 дона бўлган қурулиш ғиштини ярим қуруқ усулида ишлаб чиқариш корхонасини лойиҳалаш

2.7 – расм. Тўхтовсиз ишловчи бир валли аралаштиргич.

Дастлаб материал қуруқ холда аралаштириб сўнгра сув қўшиб аралаштирилади. Аралаштиргич корпус 1 дан ташкил топган бўлиб унга вал 2 ўрнатилган. Валга винт шаклида кураклар 3 махкамланган. Кураклар валга маълум бир бурчак остида ўрнатилади. Аралаштиргични юргизиш электр моторига ўрнатилган тасмали узатма ва тишли узатма орқали амалга оширилади. Аралаштиргичнинг кейинги моделларида электр мотори ва редуктор орқали ҳаракат узатилади.

Тўхтовсиз ишловчи икки валли аралаштиргич тупроқ ва ярим қуруқ материалларни аралаштириш учун ишлатилади. Икки валли аралаштиргич 2.8 – расмда тасвирланган.
Аралаштиргич қуйидаги асосий қисмлардан ташкил топган. Метал корпус 1 дан ва унга ўрнатилган бир-бирига қарама-қарши айланувчи вал 2 дан ва валга винт шаклида ўрнатилган куракчалар 3 дан ташкил топган. Вални харакатга келтириш электр мотори 4 дан харакат фрикцион муфта 5 орқали редуктор 6 га ва ундан тишли узатма 7 га узатилади. Тишли узатма валларни айлантиради. Куракчалар валлар ўқига перпендикуляр холатда маълум бир бурчак остида ўрнатилади. Бу бурчакни ошириш натижасида винтли чизиқнинг қадами ортиб боради натижада материалнинг харакатланиши тезлашади. Бу ўз навбатида аралаштиргичнинг иш унумдорлигини ошишига олиб келади. Лекин аралаштириш сифати пасаяди.

2.8 – расм. Икки валли тўхтовсиз ишловчи аралаштиргич.

Материални намлантириш учун аралаштиргичнинг устки қисмига кичик тешикчалар очилган сув трубаси ўрнатилган.

Материалларни энг самарали намлантириш усули бу буғли намлантириши бўлиб, ишлаб чиқаришнинг турли усулларида фойдаланиш мумкин.
Бунинг учун аралаштиргич корпуснинг остки қисмига конденсацион цилиндр 9 ўрнатилган. Буғ труба 10 ёрдамида узатилади. Иссиқликни йўқотишни камайтириш учун корпус термоизоляцион ғилоф 11 билан химояланган. Корпуснинг устки қисми қолпоқ 12 билан беркилади. Керакли холатларда қўшимча намлантириш зарур бўлса труба 13 ёрдамида сув берилиши мумкин. Массани узатиш юкловчи люк 14 орқали, тайёр махсулотни тушириш эса люк 15 орқали амалга оширилади. Корпуснинг емирилишини эътиборга олиб ички қисми накладкалар билан қопланади.