Зиёвуддин Раҳим 2 бисмиллаҳир роҳМАНир роҳийм!

“Ҳолбуки, сизларнинг устингизда 
(ҳар бир амалингизни)
ёд олиб, ёзиб турувчи улуғ 
(фаришта)
лар бор. Улар қилаётган ишларингизни билади”
(“Инфитор” сураси, 10-12-оятлар). 
Аслида Аллоҳ бандаси нима иш қилаётганини кўриб-кузатиб туради, ҳатто хаёлидан нима 
ўтаётганини ҳам билади. У Зот икки фаришта ишига муҳтож эмас. “У ҳолда инсонга ёзувчи фаришталар 
нега бириктириб қўйилган?” деб савол бериладиган бўлса, жавобимиз қуйидагича: Мазкур фаришталар 
ёзиб борган номаи аъмол қиёмат куни бандага ҳужжат сифатида кўрсатилади. Инсон тириклигида қилган 
барча яхши-ёмон ишларини ўзининг саҳифасида кўради. Бу ҳақида Аллоҳ таоло айтади: 
“--------------------------- Арабий матн --------------------------“ 
“Биз қиёмат куни унга очиқ ҳолда рўбарў бўладиган бир китобни 
(яъни, номаи аъмолини)
 
кўрсатамиз”
(“Исро” сураси, 13-оят).
Охиратда ҳар бир банда ўзининг номаи аъмолини ўқийди. Қиёматда бандага шундай хитоб 
қилинади: 
“--------------------------- Арабий матн --------------------------“ 
“Китобингни ўқи! 
(Қанча савобинг, қанча гуноҳинг борлигини ҳисоб қил!)
Бугун ўз нафсинг 
ўзингга қарши етарли ҳисоб-китоб қилувчидир”
(“Исро” сураси, 14-оят).
Яъни, қиёматда ҳар бир бандага: “Барча амалларинг ёзилган саҳифангни ўқиб кўр. Бугун ўзингга 
қарши ҳисоб берувчисан!” дейилади. Ҳар ким қилган иши учун ўзи жавоб беради, бировнинг қилмишига 
биров масъул эмас. Охиратда зиғирча ҳам зулм қилинмайди, адолат билан ҳукм чиқарилади. 
Мўминлар номаи аъмоллари ўнг томондан, кофирларники чап томондан берилади. Кимнинг номаи 
аъмоли ўнг томондан берилса, осон ҳисоб қилинади, иши енгил кечади. Кимники чап томондан берилса, 
унга жуда оғир бўлади. 
Қуръони каримда шундай дейилган: 
“--------------------------- Арабий матн --------------------------“