Ózbekstan respublikasi veterinariya hám sharwashiliqti rawajlandiiriw mámleketlik komiteti

Qarama - qarsılıqlardıń birligi hám gúresi nızamı
Qarsılıqlar obektiv hám ǵalaba xarakterge iye. Aytayıq, obektiv dúnyanıń qálegen materiallıq birligi, hár bir procesi yamasa qubılısı rawajlanıwdaǵı qarama-qarsı tárep hám tendenciyalardıń óz-ara tásirinen, qarsılıqlardıń payda bolıw, qáliplesiw hám sheshiliwinen turadı.
Hárekettiń ózi qarama-qarsı táreplerden - úzliklilik hám úzliksizlikten turadı. Hárekettegi dene bir waqıtta bir orında turadı hám turmaydı. Bul qarama-qarsılıqtıń mudamı payda bolıwı hám bir waqıtta sheshiliwi háreket boladı.
Tábiyat penen jámiyettiń qarama-qarsılıqlı xarakteri ilim hám praktikanıń maǵlıwmatları menen tastıyqlanadı. Házirgi fizika, máselen, barlıq mikroobektlerdiń tolqın tárizli hám korpuskulyar qásiyetlerge iye ekenligin aytadı.
Jámiyettiń tiykarın hám oǵan xarakterli ishki qarsılıqlar, birinshi gezekte óndiriwshi kúshler menen óndiris qatnaslarınıń arasındaǵı qarama-qarsılıq quraydı.
Adamzat biliwi hám qarama-qarsılıqlı. Aqırı, biliw procesi mudamı oylawdıń obektke jaqınlasıwı hám tábiyattı adamnıń oyında sáwlelendiriw Ǵóli», abstrakt jaǵdayda emes, al hárekettiń máńgi procesinde, qarama-qarsılıqlardıń payda bolıwında hám olardıń sheshiliwinde boladı.
Solay etip, qarsılıqlar rawajlanıwdıń tiykarın quraydı, olar obektivlikke iye, tábiyat hám jámiyet, pútkil bizdi qorshaǵan dúnya menen ajıralmas birlikte.
Dialektikalıq qarsılıqlar qarsılıq, qarama-qarsılıq, ayırmashılıq, konflikt, birdeylik h.t.b. kategoriyaları arqalı ashıladı.
Qarsılıq hám qarama-qarsılıqtı teń mánisli túsinikler sıpatında túsiniw bar. SHınında da, málim qubılıs qarsılıqlı yamasa ol qarama-qarsılıqlardıń birliginen turadı dew bir sóz esabı. Degen menen qarsılıqtı qarama-qarsılıqlardıń arasındaǵı qatnas sıpatında qaraw durısıraq boladı.
Processler hám qubılıslar rawajlanıwdıń qarama-qarsı táreplerdiń ya tendenciyalarınan turatuǵın qarsılıq sıpatında boladı. Solay etip, «qarama-qarsılıq» túsinigi («protivopolojnost») qarama-qarsılıqtıń hár bir tárepin ańlatıwǵa, al «qarsılıq» - usı táreplerdiń óz-ara qatnasların, qarama-qarsılıqlardıń óz-ara qatnasların ańlatıwǵa baylanıslı qollanıladı.