%zbekstan respublikasi a

Topıraq eritpesi ha`m onı tayarlaw.

Jumıstın` maqseti: topıraqlardın` shorlanıwı onın` o`nimdarlıg`ına keri ta`sir etetug`ın qa`siyetlerinin` biri bolıp esaplanadı. Topıraqlardın` shorlanıwına alıp keletug`ın 12 tu`rdegi duzlar bar. Bul 12 duzdı sulfat, xlorid, karbonat, bikarbonat anionları ha`m kaltsiy, magniy, natriy kationları birigip payda etedi. Topıraqtın` quramındag`ı bunday o`simlikler ushın ziyanlı, suwda tez eriytug`ın duzlar topıraq eritpesin tayarlaw ha`m analiz etiw na`tiyjesinde anıqlanadı. Bunda da`slep topıraqtın` quramındag`ı barlıq suwda tez eriytug`ın duzlardın` ulıwma mug`darı qurg`aq qaldıqtı anıqlaw na`tiyjesinde anıqlanadı. Biraq qurg`aq qaldıqtı anıqlaw menen tek topıraqtın` shorlanıw da`rejesin anıqlawg`a boladı, al topıraqtın` o`nimdarlıg`ına ta`sir etiwinde tek g`ana shorlanıw da`rejesi emes al shorlanıw tu`ri de a`hmiyetli rol oynaydı. Topıraqtın` shorlanıw tu`rin yag`nıy shorlanıw tipin anıqlag`anda onın` quramındag`ı suwda eriwshen` ionlardın` mug`darın dara dara anıqlaw kerek boladı.