%zbekstan respublikasi a

Topıraqtın` mexanikalıq quramın anıqlaw

Jumıstın` maqseti: Topıraqtın` mexanikalıq quramı onın` uzaq da`wir saqlanatug`ın qa`siyetlerinen biri bolıp esaplanadı ol topıraqqa ana jınıstan miyras etip beriledi. Topıraqtın` derlik barlıq qa`siyetleri onın` mexanikalıq quramına baylanıslı boladı. Topıraqtın` mexanikalıq quramı haqqında so`z etkende en` da`slep neler haqqında tu`siniklerge iye bolıwımız kerek? Bularg`a mexanikalıq elementler, mexanikalıq fraktsiyalar, fizikalıq qum, fizikalıq saz, topıraq skeleti, melkozyom degen ne ekenligin biliwimiz kerek. Topıraqtı qolımızg`a alıp ko`zimiz benen jaqsılap dıqqat penen qarasaq onın` ha`r tu`rli u`lken-kishiliktegi bo`lekshelerden turatug`ınlıg`ın ko`riwimizge boladı. Mine usı razmeri boyınsha ha`r tu`rli u`lken kishiliktegi bo`leksheler mexanikalıq elementler dep ataladı. Topıraqtın` quramındag`ı razmeri boyınsha birdey bolg`an bo`lekshelerdin` jıynag`ına-mexanikalıq fraktsiya dep ataladı. Razmeri boyınsha 0,01mm> bo`leksheler fizikalıq saz, 0,01mm< fizikalıq qum dep ataladı. Razmeri 1mm den u`lken bo`leksheler topıraq skeleti dep ataladı. Topıraqtın` quramındag`ı razmeri 1mm den kishi bo`leksheler melkozyom dep ataladı.