|
Ulıwma wazıypanı anıqlaw
1. Úyretilgen shınıǵıw boyınsha ko’nligiwdi bekkemlew
2. Shaqqanlıqtı hám tartınbay orınlawdı tárbiyalaw
3. Azanǵı gimnastikalıq shınıǵıwlar kompleksin ózinshe dúziwge úyretiw
4. Estafeta oyınlar járdeminde kúshti, tezlikti hám shıdamlılıqtı tárbiyalaw
5. Arnawlı jeńil atletika shınıǵıwları járdeminde tezlikti tárbiyalaw
ARNAWLI WAZÍYPALAR
1. Tez, durıs sapqa turıwına, raport beriwge erisiw.
2. Náwbetshiniń óz wazıypasınıń orınlanıwına erisiw.
3. Hár bir oqıwshınıń azanǵı gimnastikanı orınlanıwına erisiw
SABAQTÍŃ DÚZILISI
Dene tárbiya boyınsha barlıq sabaqlardıń mazmunınıń elementleri belgili waqıt penen anıqlanadı hám bir dizimge biriktiriledi, bul berilgen wazıypánı nátiyjeli sheshiwge járdemin tiygizedi. Sonıń menen birge sabaq waqtında waqıttı durıs retlestirip oqıw tárbiya jumısın sapalı iske asırıwǵa múmkinshilik beredi. Sonlıqtan sabaqtı hár tárepleme oylanıp, bólimleriniń wazıypaların anıqlap dúziwge ko’p waqıttan beri ayrıqsha kewil bólinip kiyatır. Sabaq mazmunı elementleriniń tıǵız baylanısıp hám izbe-izligi saqlanıp waqıt penen anıqlanıwı onıń dúzilisi dep ataw qabıl etilgen.
Sabaqtıń dóretiwshilik penen shólkemlestiriwi mınalardı óz ishine aladı. Dene shınıǵıwlarınıń adam organizmine tásir jasawı, oqıwshılardıń sanalı qatnası, oqıw materialları shınıǵıwlardıń texnikası menen orınlanıwı sabaq ótiletuǵın orınnıń jaǵdayı hám t.b.
Dene tárbiya diziminde sabaqtıń dúzilisi úsh bólimnen turadı: tayarlıq, tiykarǵı hám juwmaqlaw. Bular sabaq waqtında usı atalǵan tártipte alıp barıladı. Bunday etip bóliniwi fiziologiyalıq, psixologiyalıq hám pedagogikalıq nızamlıqlarǵa tiykarlanǵan, bunda oqıwshılardıń iskerligin tiykarǵı jumıs tayarlaw onı sabaq dawamında nátiyjeli paydalanıw, jumıs waqtın únemlew, deneni funkcionallıq jaǵdayın esapqa alıp jumıs alıp barıw názerde tutılǵan.
I. Sabaqtıń tayarlıq bólimi-tiykarǵı oqıw tárbiya jumısına tayarlıq jumısların iske asıradı. Tayarlıq bóliminiń tiykarǵı wazıypası:
1. Oqıwshılardı tiykarǵı jumıs penen (úyretetuǵın shınıǵıw) tanıstırıw, olardı shólkemlestirip psixologiyalıq jaqtan tayarlaw.
2. Deneni funkcionallıq jaqtan tiykarǵı jumısqa tayarlaw bul bólimde ayırım bilim beriw hám tárbiyalıq wazıypalardı da qosımsha sheshiwge boladı.
Kirisiw tayarlıq bólimde hár qıylı dene shınıǵıwları paydalanıladı. Sapqa turıw, ulıwma tayarlıq harakterdegi gimnastikalıq shınıǵıwlar, júriw, juwırıw, sekiriw hám hır qıylı tanıs oyınlar túrlishe kólemde paydalanıladı. Kópshilik jaǵdayda tiykarǵı bólimde úyreniletuǵın hám jetistiriletuǵın shınıǵıwlarǵa járdemshi tásirin tiygizetuǵın dene shınıǵıwları tańlap qollanıladı.
III. Sabaqtıń tiykarǵı bóliminde baǵdarlamaǵa tiykarlanıp bilim beriw hám tárbiyalıq hám den sawlıqtı bekkemlew wazıypası iske asırıladı. Tiykarǵı wazıypası:
1. Hár tárepleme rawajlandırıw, tik turıw, háreket múshelerin, júrek, qan tamır sistemaların, dem alıw múshelerin rawajlandırıw hám shınıqtırıw.
2. Dene shınıǵıwları boyınsha arnawlı bilim menen qurallandırıw, óz háreketlerin basqarıwǵa úyretiw, qánigelik hám sport sıpatındaǵı ulıwma bilim uqıbın hám kónligiwin jetilisken halda qáliplestiriw.
3. Háreket qozǵalıstıń ulıwma hám arnawlı sapasın rawajlandırıw.
4. Intellektuallıq hám erk sapasın tárbiyalaw.
Bul bilimde joqarıda atalǵan wazıypalardı nátiyjeli iske asırıwǵa arnalǵan hám járdemi tiyetuǵın qálegen dene shınıǵıwlardı paydalanıwǵa boladı. Bul shınıǵıwlar baǵdarlamada berilgen mısalı: tábiyiy háreketler (júriw, juwırıw, sekiriw, ılaqtırıw), sport túrinde ulıwma rawajlandırıw gimnastikalıq shınıǵıwlar, zat penen orınlanatuǵın shınıǵıwlar, oyın shınıǵıwları hám t.b.
III.Sabaqtıń juwmaqlaw bólimi sabaqtı juwmaqlawǵa, deneniń funkcionallıq jaǵdayınıń ózine keliwin támiyinlewge arnalǵan.
Tiykarǵı wazıypası:
1. Nerv, júrek, dem alıw, bulshıq et músheleriniń qózıwshılıǵın páseytiw.
2. Dem alıwın támiyinlew.
3. Sabaqtı juwmaqlaw: jetiskenlik hám kemshiliklerdi atap aytıw, oqıwshılardıń tártibin anıqlaw, kelesi sabaqtıń wazıypasın hám úy tapsırmanı túsindiriw hám t.b.
Juwmaqlaw bólimde tómendegi shınıǵıwlar orınlanıwına múmkin, ulıwma iskerlikti páseytiw maqsetinde hár qıylı tezlikte júriw, juwırıw, oyın shınıǵıwları, háreketli milliy oyınlar hám t.b. múmkinshiligi bolsa juwınıw hám shomılıw jumısların orınlaǵan maqul.
Do'stlaringiz bilan baham: |
