Ózbekstan respublikasí joqarí HÁm orta arnawlí bilim ministrligi berdaq atíndaǵi qaraqalpaq mámleketlik universiteti

Tárbiyalıq wazıypa: Oqıwshılardıń hár tárepleme jeke rawajlanıwın támiyinlew maqsetinde aqıl tárbiyasına, miynet tárbiyasına, estetikalıq rawajlanıwına, nravlıq sapasına tásirin tiygizetuǵın dene tárbiyasının hár qıylı quralların paydalanadı. Nravlıq tárbiyası-jámiyetti qurıwshılardıń jeke qásiyetleriniń qáliplestiriwine baǵdarlanǵan:
1. Watanına berilgen puqaralıq sezim milletlerge húrmet etiw hám watan ushın xızmet etiw
2. Miynetti súyiwi, kollektivlik miynetke tayın bolıw, basqalardıń miynetin húrmetlew.
3. Kollektivlıq awızbirshilik, bir-birewge joldaslıq járdem beriw, adamlarga húrmet penen qatnas jasaw.
4. Sanalı tártipli durıs bolıw.
5. Bir maqsetke jetiw ushın shıdamlı isenimli bolıw hám sheshiwshi túrde háreket qılıw.
Dene tárbiyası nravlıq sananı, minez qulıqtı qáliplestiriwde óziniń medotlarına iye. Ol kollektivlıq háreket islew jaǵdayında iske asrıladı. Sonıń ushında pedagog óz jumısların balalarda jámiyetlik seziminiń qáliplesiwine, kollektivte ózin qalay tutıwda hám onıń mápin qorǵawǵa úyretiwge baǵdarlawı tiyis.
Sport jarısı waqtında oqıwshılardı qarsılaslarına hám óz komandasındaǵı joldaslarına unamlı qatnasıqlar tárbiyalanadı. Bunda, jarıstıń qaǵıydaların durıs túsiniwi, buzbay orınlawı jarıstıń tóreshi tárepinen qaǵıydasına tiykarlanıp alıp barıwı úlken áhmiyetke iye.
Dene tárbiyası waqtın oqıwshılardıń jeke erki, miynetti suyiwshiligi, bir maqsetke erisiw ushın turaqlı iskerligi tárbiyalanadı. Oqıtıwshı shınıǵıwlardı tańlap alǵanda olardıń jas ózgesheliklerine dene tayarlıǵınıń dárejesin esapqa alıp, shınıǵıwdıń wazıypasına sáykes metodlardı paydalanıwına hár tárepleme tásir jasaw tiyis. Aqıl tárbiyası dene tárbiyası arnawlı bilim beriw menen birge oqıtıwshılardıń dıqqatın este saqlawın, biliw aktivligin rawjlandıradı.
Dene tárbiyası sabaǵı waqtında barlıq múmkinshiliklerdi paydalanıp oqıwshılardıń óz betinshe tallaw, juwmaqlaw, bahalaw uqıbın rawajlandırıwı tiyis. Dene tárbiyasına tán nárse bul oqıwshılardan shınıǵıwdı orınlawdı onı oylanıp durıs, mazmunına túsinip orınlawdı talap etedi. Bul oqıwshılarda oylanıw qábiletiniń qáliplesiwine paydasın tiygizedi. Basqa birewdiń shınıǵıwdı durıs orınlawın hám óziniń qalay islegenin baqlaw arqalı olardıń dóretiwshilik oylaw qábileti rawajlanadı. Oqıwshılarda háreketlerdi ózinshe qurastırıp shıǵarıwdı dúziw uqıbına iye boladı.