Ózbekstan respublikasí joqarí HÁm orta arnawlí bilim ministrligi berdaq atíndaǵi qaraqalpaq mámleketlik universiteti

Miynet tárbiyası: Oqıwshılardıń miynet tárbiyası hár qıylı baǵdarda iske asırıladı: 1. Jámiyettiń óziniń paydası ushın miynettiń kerek ekenligine isenim payda etiw . 2. Miynetke intanı tárbiyalaw. 3. Miynet uqıbın hám kónligiwin qáliplestiriw. Dene tárbiyası sabaǵı waqtında oqıwshılar hár qıylı miynet islewge qatnasadı: oqıw, óz-ózine xızmet etiw , jámiyetlik miynet, snaryadlardı jumısqa, olardı dúzetiw h.t.b. Bul balalarda miynetke suyispenshilik, jámiyetlik múlkti óz qálpinde saqlawǵa tárbiyalaydı. Oqıwshı sport úskenelerin puxta saqlawga, maydanshalardıń tazalıǵın támiyinlewge sabaq ótiwge qolaylı jaǵday jasawı tiyis.
Estetikalıq tárbiya -shınıǵıw sabaqları waqtında estetikalıq tárbiya támendegi baǵdarda iske asırıladı:
1. Sırtqı kórinisin sulıw taza tutuwǵa tárbiyalaw.
2. Hárekettiń sulıwlıǵın túsiniwge hám onı tajiriybede paydalanıw uqıbına tárbiyalaw.
3. Bir-birine qatnasıqtı, ádeplilikti, ótiletuǵın orınlardıń tazalıǵın saqlaw sezimin tárbiyalaw.
Oqıtıwshı hár tárepleme rawajlangan gewdesiniń sulıwlıgı, olardı den sawlıq penen baylanıstırıw, túsinik payda etiw tiyis. Olarǵa dene shınıǵıwı natiyjesinde bulshıq et skeletlerdiń bara-bara rawajlanıwına, denege sulıwlıq beretuǵını haqqında túsinik beriwi kerek. Oqıwshılar óz denesin basqarıp biliw arqalı háreketlerdiń sulıw orınlanatuǵının túsiniwi zárúrli nárse.
Hár qanday ápiwayı háreket, óziniń durıs dal tabiyiy orınlanıwı menen estetikalıq máni beriwi múmkin . Oqıwshılar jamáát bolıp islenetuǵın háreketlerdiń estetikalıq paydalılıǵın túsiniwi tiyis:
Topar bolıp islegen háreketin anıq, sulıw, durıs orınlanıwı hám taǵı basqa (Mıs: jaqsı kombinaciyalarınıń kelisip háreket etiliwi, sport oyınlarında bir-birewdi túsinip, oyınnıń texnikasınıń durıs shıǵıwı h.t.b.).
Balalardı shınıǵıwlar durıs, sulıw orınlanıwın ózlerine bahalatıwǵa hám usı bahanıń durıslıǵın baqlap barıwga úyretken maqul boladı. Olarda usınday sezimniń tárbiyalanıwı háreketlerdi ózinshe durıs orınlawǵa múmkinshilik beredi. Shınıǵıwlar muzıka menen orınlansa, onı durıs túsinip háreketlerdi jaqsı orınlawga jeńillik beredi. Hár qanday ayaq oyın háreketlerin dene tárbiyasınıń quralı retinde keń paydalanıwǵa boladı.