Ўзбекистоннинг прагматик фаол ташқи сиёсий ва иқтисодий дипломатияси

Ўзбекистоннинг прагматик фаол ташқи сиёсий ва иқтисодий дипломатияси
“Ташқи сиёсий ва иқтисодий алоқалар соҳасида сўнгги беш йилдаги саъй-ҳаракатларимиз натижасида, мамлакатимизнинг халқаро майдонда очиқ, ишончли ва ташаббускор давлат сифатидаги мақоми ва обрўси кескин ошди. Биз Марказий Осиё минтақасида ўзаро ҳамжиҳатлик ва ҳурмат, яқин қўшничилик ва стратегик шериклик руҳидаги янги сиёсий муҳитни яратишга муваффақ бўлдик. Оддий фуқароларимизни узоқ йиллар қийнаб келган кўплаб муаммолар ечилди, дўст ва қардош халқларимизнинг ўзаро борди-келдилари тобора кучаймоқда. Бу – бизнинг энг катта ютуғимиздир.
Қўшниларимиз билан савдо ҳажми беш йилда 5 баробар кўпайди, биргаликда йирик қўшма лойиҳаларни амалга оширмоқдамиз. Минтақа давлатлари етакчиларининг Маслаҳат учрашувлари мунтазам ўтказилмоқда. Бундан ташқари, дунёнинг қудратли давлатлари ва бошқа стратегик ҳамкорларимиз билан янги форматдаги амалий алоқалар йўлга қўйилди. Бирлашган Миллатлар Ташкилотининг Инсон ҳуқуқлари бўйича кенгашида аъзо сифатида фаол қатнашмоқдамиз.
Бу ижобий жараёнлар халқаро ҳамжамият томонидан кенг эътироф этилмоқда. Яқинда Тошкентда бўлиб ўтган Марказий ва Жанубий Осиёнинг ўзаро боғлиқлигига бағишланган саммит ҳамда Ислом тараққиёт банки анжумани ҳам, бунинг исботи бўлди. Биз, тизимли ва пухта ўйланган, прагматик ташқи сиёсий ва иқтисодий дипломатиямизни бундан кейин ҳам фаол давом эттирамиз”.
Шавкат Мирзиёев
Ўзбекистон Республикаси Президенти

Прагматик ташқи сиёсат
Прагматик ташқи сиёсат – бу амалий манфаатларга асосланган, пухта ўйланган режа асосида кўзланган мақсадни рўёбга чиқаришни назарда тутувчи сиёсат. Прагматик ташқи сиёсатда самарасиз натижалардан керакли хулосалар чиқарилади ва доим белгиланган режага мувофиқ ҳаракат қилинади. Прагматик сиёсат бу кўзланган режалар ва лойиҳалар тизимини амалда фойдали натижаларга эришиш нуқтаи назаридан қурадиган сиёсатдир.
Ўзбекистоннинг Марказий Осиёдаги фаол прагматик ташқи сиёсати
Бугунги кунда Ўзбекистон ўз имкониятлари ва салоҳиятидан ҳар томонлама самарали фойдаланиш, мавжуд муаммоларни тезроқ ҳал этиш йўлида прагматик ташқи сиёсат олиб бормоқда. Айнан Ўзбекистон саъй-ҳаракатлари натижасида Марказий Осиёда янги геосиёсий ишонч муҳити вужудга келмоқда ва минтақа давлатлари ўртасида мавжуд бўлган муаммолар борган сари камайиб бормоқда. Айни шу маънода Ўзбекистон минтақавий сиёсатининг амалий ифодасига айланган қуйидаги минтақавий ва халқаро миқёсдаги тадбирларни мисол сифатида келтириш мумкин:

•