Ўзбекистонда қонун устуворлигини таъминлаш масалалари

Хотин – қизлар қизлар қўмитаси, улар вилоят, шаҳар, тумандаги кенгашлари Фуқаролик кодекси, Меҳнат кодекси, Оила кодекси ва бошқа қонунлардаги аёллар ва болалар манфаатига оид ҳуқуқий қоидалар устувор таъминланиши устидан назоратни ташкил этадилар.
Аҳолимиз ҳуқуқий онгини юксалтиришда, фуқароларда қонун устуворлигини англаш ва қонунга ҳурмат туйғусини шакллантиришда миқдори 10 мингдан зиёдни ташкил этаётган маҳаллаларнинг ҳам роли катта. Маҳаллада ҳам ўзига хос жамоатчилик назорати мавжуд. Маълумки, маҳаллаларда милиция таянч пунктлари, профилактика нозирлари, посбонлар институти фаолият олиб бормоқда.
Юртбошимиз 2010 йилнинг 12 ноябрдаги Олий Мажлис палаталарининг қўшма мажлисида "Мамлакатимизда демократик ислоҳотларни янада чуқурлаштириш ва фуқаролик жамиятини ривожлантириш Концепцияси" мавзуида қилган маърузасида фуқаролик жамияти ривожланиши ва қонун устуворлигини таъминлашнинг қуйидаги устувор йўналишларини кўрсатиб берди:
биринчидан, фуқаролик жамияти институтларининг янада ривожланишига эришиш, амалга оширилаётган ислоҳотларимизнинг очиқ-ошкоралиги ва самарадорлигини таъминлашда, уларнинг ролини кучайтиришда "Ижтимоий шериклик тўғрисида"ги Қонуннинг қабул қилиниши муҳимдир;
иккинчидан, маҳаллани аниқ йўналтирилган асосда аҳолини ижтимоий қўллаб-қувватлаш, хусусий тадбиркорлик ва оилавий бизнесни ривожлантириш марказига айлантириш, шунингдек, унинг давлат бошқарув органлари фаолияти устидан жамоатчилик назорати олиб бориш тизимидаги вазифаларини янада кенгайтириш муҳим аҳамият касб этади;
учинчидан, давлат ҳокимияти ва бошқарув органлари томонидан қонун ҳужжатлари ижро этилиши устидан жамоатчилик ва фуқаролик институтлари назоратини амалга оширишнинг самарали ҳуқуқий механизмларини яратиш зарур;
Юқорида баён этилган юридик ва ижтимоий механизмларнинг комплекс тарздаги изчил ва фаол ҳаракатланишига эришиш мамлакатимизда Конституция ва қонун устуворлигини таъминлашда катта самара беради, деб умид қиламиз.
Эътиборингиз учун раҳмат.

1 Каримов И.А. Ўзбекистон буюк келажак сари. – Т.: Ўзбекистон, 1998, 539-бет.

2 Каримов И.А. Биз келажагимизни ўз қўлимиз билан қурамиз. – Т.7. – Т.: “Ўзбекистон”, 1999. – Б.251 – 252.

3Конституциявий суднинг ваколатлари ҳақида батафсил маълумот олиш учун "Ўзбекистон Республикасининг Конституциявий суди тўғрисида"ги қонунга қаранг.

4 Каримов И.А. Биз танлаган йўл-демократик тараққиёт ва маърифий дунё билан ҳамкорлик йўли. Т.11.Т.:2003, 100-101-б.

5 Каримов И.А. Адолат – қонун устиворлигида. // Хавфсизлик ва тинчлик учун курашмоқ керак. Т.-.:2002, 28-б