Ўзбекистонда қонун устуворлигини таъминлаш масалалари

Касаба уюшмалари, Хотин-қизлар ташкилотлари, ёшлар ташкилотлари, болалар фондлари ва бошқалар ҳам фуқаролик жамиятнинг муҳим институтлари сифатида қонунчиликка амал қилиниши, қонун устуворлигини таъминлашга хисса қўшадилар. Масалан, «Касаба уюшмалари, уларнинг ҳуқуқлар ва фаолиятининг кафолатлари тўғрисида»ги қонуннинг 11- моддасига мувофиқ: Касаба уюшмалари маъмурият, мулкдор ёки улар вакил қилган бошқарув идораси меҳнат ва касаба уюшмалари тўғрисидаги қонунларга риоя этилишини назорат қилиб боради, аниқланган камчиликларни бартараф этишни талаб қилишга ҳақлидир. Маъмурият меҳнат ва касаба уюшмалари тўғрисидаги қонунлар бузилишини бартараф этиш тўғрисидаги тақдимномаларни кўриб чиқиши ва кўриб чиқиш натижалари тўғрисида бир ой муддат ичида касаба уюшмасига хабар қилиши шарт.
Оммавий ахборот воситалари фуқаролик жамиятининг муҳим институтларидан бири бўлиб, аҳолининг ҳуқуқий маданиятини шакллантириш орқали ва қонунлар ижроси устидан назоратни амалга ошириш йўли билан қонун устуворлигини таъминлашга катта ҳисса қўшади.
20 – слайд ОАВ тўғрисида
Бугунги кунда мамлакатимизда ОАВнинг умумий сони 1580 тани ташкил этади, шундан 1180 га яқин газета, 300 дан ортиқ журнал, 85 та давлат ва нодавлат телеканаллар мавжуд.
21 – слайд (ННТларнинг
Хотин-қизлар ҳуқуқларини ҳимоя қилиши)
Яна бир муҳим йўналиш сифатида хотин-қизларнинг ҳуқуқ ва қонуний манфаатларини рўёбга чиқариш мақсадида ташкил этилган нодавлат-нотижорат ташкилотлари фаолиятига эътибор қаратиш лозим. Бугун Ўзбекистонда аёллар манфаатларини ҳимоя қилувчи 188 та нодавлат-нотижорат ташилотлари ўз фаолиятини олиб бормоқда. Уларнинг 37% хотин-қизларнинг ижтимоий-сиёсий фаоллигини оширишни, 18% аёлларни тадбиркорлик ва хунармандчиликка кенг жалб этишни, 14,5% уларни ижтимоий ҳимоялашни, 11,5% хотин-қизлар ўртасида соғлом турмуш тарзини тарғиб этишни ўз олдига мақсад қилиб қўйган. Уларнинг самарали фаолияти аёлларнинг жамиятдаги нуфузи ортиб боришига кўмаклашади.