Ўзбeкистон тeмир йўллари акциядорлик жамияти «Қуюв-механика заводи» шкда ишлаб чиқариш қувватлари

§ 5. Корхона бош энергетигининг асосий меъёрномалари.

100.Электр ва иссиқлик энергияси қурилмаларини, уларнинг тузилиши, техник фойдаланиш ва хавфсизлик қоидаларига тўла мувофиқ ҳолда ишончли ва хавфсиз ишлашини таъминлайди.

101 Электр ва иссиклик энергияси қурилмаларини, аппаратура ва электр тармоқларини режа бўйича олдиндан таъмирлашни, улар билан профилактик кўрик, синов ишлари ташкил этилишини ва ўтказилишини таъминлайди. Ушбу қурилмаларнинг ҳолати ва ишлатилиши бўйича техник назоратни олиб боради ва техник ҳужжатларнинг тўғри олиб борилиши устидан назорат қилади.
102.Буғ ва сув иситиш қозонларини ўз вақтида ички кўрикдан, гидравлик синовдан ўтказилишини, техник кўрилиши ва таъмирланишини таъминлайди
103.Қоидалар ва йўриқномалар талабларига мувофиқ электр ва технологик ускуналарнинг ҳимояловчи ерга улагичларининг созлигини ўз вақтида текширишдан ўтказилишини таъминлайди ва статик электр кучланишни олиб ташлаш бўйича зарурий тадбирларини бажаради.
104.Электротехник ва иссиқлик энергетикаси ускуналари ва қурилмаларининг конструктив камчиликларини бартараф этиш, эскирган қурилма, машина ва механизмларини ўз вақтида алмаштириш бўйича чораларни кўради.
105.Электр қурилмаларида ишлашга рухсат этилган ходимларни ўқитиш ишларини ташкил этади ва ўтказади, уларнинг билимларини синаш комиссияси ишларида қатнашади.
106.Электр қурилмаларига хавфсиз хизмат кўрсатиш ва таъмирлаш бўйича йўриқномаларни ўз вақтида ишлаб чиқилишини ташкиллаштиради, улар билан иш жойларини таъминлайди ва бу йўриқномаларни бажаришда ишлаб чиқариш бўлинмаларининг раҳбарларига амалий ёрдам кўрсатади.
107.Қоидалар ва меъёрлар талабларига мувофиқ ҳимоя воситаларини ўз вақтида синовдан (текширувдан) ўтказилишини таъминлайди.
108.Корхонанинг фаолиятдаги цехлари ва объектларида, ускуналарни ишлатиш, таъмирлаш, монтаж ва созлаш ишларини амалга оширишда электротехник ходимларни хавфсиз меҳнат шароитлари билан таъминлаш чораларини кўради.
109.Энергетика ва электротехник ускуналарини ишлатиш, монтаж қилиш ва таъмирлашда хавфсизлик қоидалари ва ишлаб чиқариш санитарияси меъёрларига ходимларнинг риоя этилишини таъминлайди.
110.Меҳнатни муҳофаза қилиш бўйича уч босқичли текширув ишларида иштирок этади.
111.Электр ва иссиқлик—энергетик қурилмалардаги ишларда содир бўлган электр шикастланишлар, авария ҳолатлари ва бошқа қоидабузарликларни ўз вақтида текширади ва ҳисобга олади. Уларга йўл қуймаслик учун профилактик ишларни амалга оширади.
112.Корхонанинг обьектларида доимий фаолият кўрсатаётган комиссия томонидан ўтказиладиган комплекс ва мақсадли текширувларда иштирок этади.
113.Иш жойлари ва объектларни техник ҳужжатлар, огоҳлантириш белгилари, плакатлар, ёзувлар ва йўриқномалар билан таъминлаш чораларини кўради
114.Давлат назорати органлари, меҳнатни муҳофаза қилиш ва хавфсизлик техникаси мутахассисларининг кўрсатмаларини, меҳнатни муҳофаза қилиш бўйича буйруқлар ва фармойишларни белгиланган муддатларда бажаради.