Ўзбeкистон тeмир йўллари акциядорлик жамияти «Қуюв-механика заводи» шкда ишлаб чиқариш қувватлари

4. Корхона бош механигининг асосий меъёрномалари.

86. Бош механик хизматига биркитилган ускуналар ва иншоотларни профилактик кўрикларини, режа бўйича олдиндан таъмирлашни тўғри ташкил этилишини ва ўз вақтида ўтказилишини таъминлайди.

87. Юк кўтариш механизмлари, юк илиб олиш ва кўтариш мосламалари, босим остида ишлайдиган аппаратлар ва сиғимлар, электр пайвандлаш аппаратлари,ацетилен, кислород ва компрессор қурилмалари, абразив доираларини синаб куриш мосламаларини синаш, техник кўрикдан ўтказиш ва тафтиш қилиниши ўз вақтида бажарилишини, тўғри ва хавфсиз ишлатилишини таъминлайди.
88. Барча ишлаб чиқариш ускуналари ва саноат иншоотларининг техник ҳолати, ишлатилиши ва ўз вақтида таъмирланиши устидан назоратни амалга оширади, машиналар, қурилмалар, асбоб-ускуналар ва иншоотларнинг хавфсизлик қоидалари ва ишлаб чиқариш санитарияси талабларига мувофиқ бўлишини таъминлайди. Техник ҳужжатлар юритилишини ва бош механик бўлимига таалуқли механизмларнинг ҳолатини назорат қилади.
89. Ускуналар, механизмлар ва асбоб-ускуналарда аниқланган конструктив камчиликларини бартараф этиш, эскирган машиналар, механизмлар ва қурилмаларни ўз вақтида алмаштириш чораларини кўради. Техниканинг янги намуналарини синашда иштирок этади.
90.Шамоллатгич қурилмалари ва тизимларини самарали ишлашини ва уларни ўз вақтида таъмирланишини назорат қилади.
91.Хавфсизлик қоидалари, ўқув ва билимларни текшириш тўғрисидаги Низомга мувофиқ ўқувни уюштиради ва ўтказади, бош механик бўлими ходимлари, шунингдек юк кўтариш кранлари, босим остида ишлайдиган сиғимлар ва бошқа мураккаб механизмларда ишлайдиганларнинг билимларини текшириш комиссияси ишларига қатнашади. Ишчиларга йўл-йўриқлар беришда усталарга амалий ёрдам кўрсатади.
92. Бош механик бўлими ходимлари учун ишларни хавфсиз олиб бориш йўриқномаларини ўз вақтида ишлаб чиқилишини ташкиллаштиради, ишчилар учун йўриқномалар тузишда цехлар ва хизматлар ходимларига ёрдам кўрсатади.
93.Мураккаб механизмлар ва агрегатларга хизмат кўрсатиш бўйича белгиланган тартибга ходимларнинг риоя қилишларини таъминлайди.
94.Ускуналарнинг муҳим деталлари ва узелларини ўз вақтида дефектоскопиядан ўтказилишини таъминлайди.
95.Меҳнатни муҳофаза қилиш бўйича уч босқичли назоратни олиб боришда, шунингдек доимий фаолият кўрсатувчи комиссиянинг корхона обьектларида комплекс ва мақсадли тадқиқот ўтказиш ишларида иштирок этади.
96.Ер устидаги ускуналар билан содир бўлган ва бахтсиз ҳодисага олиб келмаган аварияларни ўз вақтида текшириш ва ҳисобга олинишини амалга оширади.
97. Ўта хавфли ишларни бажаришда усталар, ишчилар томонидан меҳнатнинг хавфсиз усулларига риоя қилинишини, қоидалар ва йўриқномалар талабларининг аниқ бажарилишини назорат қилади.
98.Корхонанинг амалдаги цехлари ва объектларидаги ускуналарни ишлатишда таъмирлаш, монтаж ва созлаш ишларини олиб боришда ишнинг хавфсизлик қоидаларига риоя қилинишини таъминлайди.
99.Давлат назорати органлари, меҳнатни муҳофаза қилиш ва хавфсизлик техникаси мутахассисларининг кўрсатмаларини, меҳнатни муҳофаза қилиш масалалари бўйича буйруқлар ва фармойишларни бажарилишини ташкил этади ва таъминлайди.