Ўзбекистон Республикасининг «Ҳуқуқбузарликлар профилактикаси тўғрисида»

4. Маъмурий назорат йиғма жилдида:
- суднинг маъмурий назорат ўрнатиш (узайтириш) тўғрисидаги қарори;
- жазони ижро этиш муассасасидан озод этилганлиги тўғрисидаги маълумотнома ёки суд ҳукмининг нусхаси (ксерокопия);
- профилактика (катта) инспектори ташаббуси билан маъмурий назорат ўрнатишда асос бўлган ҳужжатлар;
- назоратда турувчи шахснинг фуқаролик паспорти нусхаси;
- профилактика (катта) инспекторининг шахсга нисбатан маъмурий назоратни амалга ошириш тўғрисида ёзган билдиргиси (ички ишлар органи бошлиғининг сипориши (резолюцияси) билан);
- келгусида ҳуқуқбузарлик содир этмаслиги тўғрисида огоҳлантириш,
- Ахборот маркази ва манзил-маълумотлар идорасининг маълумоти;
- яшаш ва иш жойидан маълумотнома ҳамда тавсифнома;
- маъмурий назоратда турган шахснинг фотосурати;
- яқин қариндошлари тўғрисида маълумот ва қариндошлик алоқалари чизмаси;
- бармоқ изларининг «Сонда» маълумотлар базасида мавжудлигини текшириб кўриш ва киритилмаган бўлса киритиш маъмурий назоратда турган шахснинг бармоқ изи олинган бланканинг юборилаётганлиги туғрисидаги хатнинг нусхаси.
- иш жойидан маълумотнома;
- иш ёки яшаш жойидан мураббий бириктирилганлиги тўғрисидаги йиғилиш баённомаси (нусхаси);
- суд томонидан белгиланган муддатларда рўйхатдан ўтиш варақаси (тегишли белгилари билан);
- маъмурий назоратда турган шахсни суд томонидан белгиланган чеклашларга риоя этишини доимий яшаш жойидан текширилганлиги тўғрисидаги бошқа хужжатлар (билдиргилар, тушунтириш хатлари, маълумотномалар) жамлаб борилади.
Маъмурий назоратни тўхтатиш учун қонун ҳужжатларида белгиланган асослардан бири мавжуд бўлганда «маъмурий назоратни тўхтатиш тўғрисида» ички ишлар органи бошлиғи томонидан қарор чиқарилади ва маъмурий назоратда турган шахс шу куннинг ўзида қарор билан таништирилади.
Маъмурий назорат муддати тугагандан сўнг маъмурий назорат йиғма жилди уч йил давомида ички ишлар органи ҳуқуқбузарликларнинг олдини олиш хизмати архивида сақланади ва муддат тугагач далолатнома асосида (қирқиш ёки ёқиш йўли билан) йўқ қилинади.
Маъмурий назорат йиғма жилди йўқ қилинганлиги тўғрисидаги далолатнома ИИВ норматив-ҳуқуқий ҳужжатларида белгиланган тартибда тузилиб, ички ишлар органининг таянч пункти архивида беш йил давомида сақланади.