Ўзбекистон Республикасининг темир йўл

Тариф қўлланмаси – тизимлаштирилган нашр бўлиб, унда белгиланган тартибда тасдиқланган умумий фойдаланишдаги темир йўл транспортида юклар, йўловчилар, багаж, юк-багажни ташиш тарифлари, қўшимча ишлар ва хизматлар ставкалари ва улар учун мажбурий тўлов, уларни ҳисоблаш ва қўллаш тартиби, шунингдек, бажариладиган юк ва йўловчи операцияларини кўрсатган ҳолда темир йўл станцияларининг рўйхатлари чоп этилади;
тижорат далолатномаси – темир йўл томонидан Юкларни ташиш қоидаларига мувофиқ текшириш натижаларига кўра расмийлаштириладиган, юкнинг ҳолатини, унинг оғирлигини ёки вагондаги (контейнердаги) ўринлар сонини ҳамда юкнинг ташиш ҳужжатларига мос келишини қайд қилувчи белгиланган шаклдаги далолатнома;
универсал вагонлар – хусусиятларига кўра турлича бўлган юкларни ташиш учун мўлжалланган асосий турдаги вагонлар (ёпиқ вагонлар, усти очиқ ярим вагонлар ва платформалар);
ихтисослаштирилган вагонлар – махсус конструкцияга эга бўлган ва юкларнинг бир ёки бир неча гуруҳларини ташиш учун мўлжалланган турли хилдаги вагонлар (цистерналар, хопперлар, минерал ташувчилар, бункер ярим вагонлар, изотермик вагонлар ва ҳ.к.);
махсус цистерналар – муайян турлардаги юкни ташиш учун мўлжалланган цистерналар;
хусусий вагонлар – темир йўлга тегишли бўлмаган, лекин муайян шароитларда темир йўлда ташиш учун фойдаланиладиган темир йўл вагонлари;
контейнер – юкларнинг бир ёки бир неча турдаги транспорт воситаларида бут ташилишини таъминловчи кўп марта фойдаланиладиган транспорт жиҳози;
универсал контейнер – тара-дона юкларни ташиш учун қўлланилади ва юк кўтариш қобилиятига кўра ўрта тоннаж (3 - 5 тоннали) ва йирик тоннаж (10, 20, 30, 40-футли ва ундан кўп) турларга бўлинади;
ихтисослаштирилган контейнерлар – юк жўнатувчиларга ва юк олувчиларга тегишли бўлган, универсал контейнерлардан мақсадли йўналиши ва айрим қисмларининг конструкцияси билан фарқланувчи ҳамда алоҳида шартлар асосида ташишни талаб қиладиган юклар учун қўлланиладиган контейнерлар;