Ўзбекистон Республикасини янада ривожлантириш бўйича Ҳаракатлар стратегияси тўғрисида

Низонинг моҳияти
“А” хусусий корхона (бундан буён матнда – даъвогар деб юритилади) ва “Б” якка тартибдаги тадбиркор (бундан буён матнда – жавобгар деб юритилади) ўртасида маҳсулот етказиб бериш тўғрисида шартнома тузилган. Шартнома шартларига кўра, жавобгар шартномада белгиланган миқдордаги ва турдаги маҳсулотларни етказиб бериши, даъвогар эса маҳсулот ҳақини тўлаши лозим бўлган.
Мазкур шартнома шартларига кўра, жавобгар даъвогарга умумий суммаси 400 000 000 сўмлик маҳсулотларни етказиб беришни, даъвогар эса бу маҳсулотлар ҳақини пул ўтказиш йўли билан тўлаш мажбуриятини ўз зиммасига олган.
Ушбу шартнома шартига кўра даъвогар томонидан пул ўтказиш йўли билан бўнак сифатида жавобгарга 110 000 000 сўм пул маблағи тўланган бўлсада, жавобгар томонидан даъвогарга 80 000 000 сўмлик маҳсулотлар етказиб берилган. Шартноманинг 30 000 000 сўмлик қисми бўйича маҳсулот етказиб берилмаган.
Шу асосда даъвогар судга даъво аризаси билан мурожаат қилиб, жавобгардан етказиб берилмаган 30 000 000 сўмлик маҳсулотлар ҳақини ҳамда шартнома мажбуриятларини бажармаганлиги сабабли 14 400 000 сўм пеня ундиришни сўраган.


Даъвогарнинг важлари
Тарафлар ўртасида тузилган маҳсулот етказиб бериш шартномаси шартларига кўра, жавобгар шартномада белгиланган миқдорда маъсулотларни етказиб бериши, даъвогар эса маҳсулот ҳақини тўлаши лозим бўлган.
Мазкур шартнома шартларига кўра, жавобгар даъвогарга умумий қиймати 400 000 000 сўмлик маҳсулотларни етказиб беришни, даъвогар эса бу маҳсулотлар ҳақини пул ўтказиш йўли билан тўлаш мажбуриятини ўз зиммасига олган.
Даъвогар шартнома асосида пул ўтказиш йўли билан бўнак сифатида жавобгарга 110 000 000 сўм пул маблағи тўланган бўлсада, жавобгар томонидан даъвогарга 80 000 000 сўмлик маҳсулотлар етказиб берилган. Шартноманинг 30 000 000 сўмлик қисми бўйича маҳсулот етказиб берилмаган.
Шунинг учун жавобгардан етказиб берилмаган 30 000 000 сўмлик маҳсулотлар ҳақи ва шартнома мажбуриятларини бажармаганлиги, яъни маҳсулот ўз вақтида етказиб берилмаганлиги сабабли 14 400 000 сўм пеня ундириш лозим бўлади, деб ҳисоблаган.