Ўзбекистон Республикасини янада ривожлантириш бўйича Ҳаракатлар стратегияси тўғрисида

Битимнинг нотариал шаклига ёки уни давлат рўйхатидан ўтказиш талабига риоя қилмаслик битимнинг ҳақиқий эмаслигини келтириб чиқаради. Бундай битим ўз-ўзидан ҳақиқий бўлмайди.


Низонинг моҳияти:
Масъулияти чекланган жамияти (бундан буён матнда даъвогар деб юритилади) иккинчи масъулияти чекланган жамияти (бундан буён матнда жавобгар деб юритилади) ўртасида2015 йил2 сентябрда транспорт воситаларивамеханизмларниижарага бериш бўйича 10-сонли ижара шартномаси тузилган.
Ушбу шартномага кўра, даъвогар жавобгарга 2 та “MAN” TGS 41.400 русумли автомашинани ижарага бериш, жавобгар эса, олинган автомашина учун ижара ҳақини тўлаш мажбуриятини олган.
Даъвогар жавобгар томонидан ижара ҳақи ўз вақтида тўланмаганлигини асос қилиб, унга (жавобгарга) талабнома юборган. Жавобгар эса ушбу талабнома асоссизлигини билдириб, тўловни амалга оширмаган. Натижада томонлар ўртасида низо келиб чиққан.
Даъвогар судга мурожаат қилиб, жавобгардан 92 000 000 сўм асосий қарз ва ушбу тўлов ўз вақтида амалга оширилмаганлиги учун 48 000 000 сўм пеня ундиришни сўраган.


Даъвогарнинг важлари:
Жавобгар билан тузилган шартнома асосида унга транспорт воситалари ижарага берилган. Жавобгар томонидан 358 000 000 сўмлик юк хатлари (счет-фактуралар) имзолангани, бироқ 262 000 000 сўмлик тўлов амалга оширилган. Қолган 92 000 000 сўм асосий қарз тўланмаган. Шунинг учун жавобгарга шартноманинг тегишли бандларига асосан 48 000 000 сўм пеня ҳисобланган. Пенянинг ҳисоб-китоби даъво аризасига илова қилинган. Шунинг учун ариза тўлиқ қаноатлантирилиши лозим. Агар суд жавобгарнинг важини инобатга олиб, шартномани ўз-ўзидан ҳақиқий эмас деб топса, унинг оқибатларини қўллаб, асосий қарзни ундириш лозим.

Жавобгарнинг важлари:

Жавобгар томонидан судга тақдим этилган айрим юк хатлари (счет-фактура) шартномада белгиланган тартибда расмийлаштирилмаган. Жумладан, ушбу ҳужжатларда жавобгар раҳбарининг имзоси қўйилмаган, балки факсимелиядан фойдаланилган. Бу эса шартнома шартларига зид ҳисобланади. Қолаверса, айнан шундай юк хатлари расмийлаштирилган ойларда жавобгар даъвогарнинг транспортвоситасидан фойдаланмаган.
Бундан ташқари, томонлар ўртасида тузилган ижара шартномаси нотариал тартибда тасдиқланмаган. Шунинг учун даъво аризасини қаноатлантириш рад этилиши лозим.