Ўзбекистон Республикасини янада ривожлантириш бўйича Ҳаракатлар стратегияси тўғрисида

Низонинг моҳияти:
Туман ҳокимлиги (бундан буён матнда туман ҳокимлиги ёки даъвогар деб юритилади) ҳамда фермер хўжалигига(бундан буён матнда фермер хўжалиги ёки жавобгар деб юритилади) ўртасида 2008 йил 15 ноябрда “Фермер хўжалиги томонидан ер участкасини узоқ муддатли ижарага олиш шартномаси” тузилган ва туман ҳудудидан 63,5 га ер участкаси пахтачилик-ғаллачилик йўналиши бўйича фермер хўжалиги фаолиятини амалга ошириш учун 49 йил муддатга ижарага берилган.
Шартноманинг 15-бандида ер майдонини ижарага олувчи фермер хўжалигининг мажбуриятлари, 17-бандида шартномани бекор қилиш учун асос бўладиган ҳолатлар баён қилинган.
Туман ҳокимлиги ҳузуридаги ер участкаларини реализация қилиш масалалари бўйича комиссия томонидан хулоса расмийлаштирилиб, унда фермер хўжалиги 2015, 2016 ва 2017 йилларда ўзига ижарага берилган ер майдонидан самарасиз ва хўжасизларча фойдаланганлиги, шунингдек фермер хўжалиги солиқ қарздорлигига йўл қўйганлиги аниқланганлиги қайд этилган ва ер ижараси шартномасини муддатидан олдин бекор қилиш масаласи халқ депутатлари туман Кенгашига киритилиши қайд қилинган.
Халқ депутатлари туман Кенгашининг қарори билан тумандаги бир қатор фермер хўжаликлари, жумладан жавобгар фермер хўжалиги билан тузилган ер ижараси шартномасини бекор қилиш юзасидан судга даъво аризаси киритилиши маъқулланган.
Туман ҳокимлиги томонидан фермер хўжалигига талабнома юборилиб, ер ижараси шартномасини ихтиёрий равишда бекор қилиш сўралган. Шунингдек, талабномага жавоб берилмаганда судга даъво киритилиши маълум қилинган.
Фермер хўжалиги ер ижара шартномасини иқтиёрий бекор қилишга розилик бермаган.
Шунинг учун туман ҳокимлиги жавобгарга нисбатан судга даъво аризаси билан мурожаат қилиб, тарафлар ўртасида тузилган ер ижараси шартномасини муддатидан олдин бекор қилишни сўраган.


Даъвогар (туман ҳокимлиги)нинг важлари:
Фермер хўжалиги томонидан ер ижара шартномаси мажбуриятлари бузилганлиги даъво аризасига илова қилинган далиллар билан тўлиқ тасдиқланади. Даъвогарнинг шартномани ихтиёрий бекор қилиш ҳақидаги таклифига жавобгар томонидан розилик берилмаган.
Шунингучундаъвотўлиққаноатлантирилишилозим.