Ўзбекистон Республикасини янада ривожлантириш бўйича Ҳаракатлар стратегияси тўғрисида

Низонинг моҳияти:
Вилоят прокуратурасининг жиноят иши доирасида “Ҳужжатли тафтиш тайинлаш ва ишга алоқадор ҳужжатларни асл нусхалари олиш ҳақида”ги қарори, вилоят давлат солиқ бошқармаси бошлиғининг буйруғига асосан банк филиали фаолиятида солиқ қонунчилигига риоя этилиши, ҳисобланган солиқ ва тўловларнинг ўз вақтида ва тўла ҳажмда бюджетга ўтказилиши, Ўзбекистон Республикаси Президентининг Фармонлари, Қарорлари ва Вазирлар Маҳкамасининг қарорлари бажарилиши юзасидан ҳужжатли текшириш ўтказилган.
Текширишда, банк филиали томонидан Ўзбекистон Республикаси Адлия вазирлиги томонидан 2012 йил 15 мартда 2342-сон билан рўйхатдан ўтган “Хўжалик юритувчи субъектларнинг банк ҳисобварақларидан пул маблағларини ҳисобдан чиқариш тартиби тўғрисида”ги Йўриқнома (бундан буён матнда Йўриқнома деб юритилади) талабларига риоя қилинмаганлиги аниқланган.
Натижада банкка нисбатан Ўзбекистон Республикаси Солиқ кодексининг 53-моддасига асосан 77 145 812 сўм пеня ҳисобланган.
Текшириш материаллари туман Давлат солиқ инспекцияси томонидан Солиқ кодексининг 102-103-моддаларида назарда тутилган тартибда кўриб чиқилиб, банк филиалига нисбатан Солиқ кодексининг 53-моддасига асосан 77 145 812 сўм пеня ҳисоблаш тўғрисида қарор қабул қилинган.
Қарорда кўрсатилган пеня (молиявий санкция) ихтиёрий тўланмаганлиги сабабли, Давлат солиқ инспекцияси (бундан буён матнда аризачи ёки ДСИ деб юритилади) судга ариза билан мурожаат қилиб, банкка (будан буён матнда банк ёки жавобгар деб юритилади) нисбатан Ўзбекистон Республикаси Солиқ кодексининг 53-моддаси асосида 77 145 812 сўм молиявий санкция қўллашни сўраган.


ДСИ (аризачи)нинг важлари:
Банк томонидан Йўриқнома талаблари бузилганлиги барча далиллар билан тўлиқ тасдиқланган. Шунинг учун ариза тўлиқ қаноатлантирилиши лозим.

Банк (жавобгар)нинг важлари:

Текшириш жиноят иши доирасида ўтказилган. Лекин, жиноят судининг ҳукмида банк томонидан қайд этилган Йўриқнома талаблари бузилганлиги кўрсатилмаган. Шу сабабли, ДСИнинг аризасини қаноатлантириш рад этилиши лозим.