Ўзбекистон Республикасини янада ривожлантириш бўйича Ҳаракатлар стратегияси тўғрисида

Кредиторларнинг талаблари реестрини тузишда юзага келадиган келишмовчиликлар иқтисодий суд томонидан кўриб чиқилади).


Низонинг моҳияти:
Давлат солиқ инспекциясининг (бундан буён матнда – ДСИ деб юритилади) МЧЖ (қарздор)ни банкрот деб топиш тўғрисидаги аризаси хўжалик судининг ҳал қилув қарори билан қаноатлантирилиб, қарздор банкрот деб топилган ва тугатишга доир иш юритиш бошланган.
Тугатишга доир иш юритиш жараёнида суд бошқарувчиси ва қарздорнинг кредитори ҳисобланган Банк ўртасида банк талаби миқдори бўйича келишмовчилик юзага келган.
Шу муносабат билан, Банк судга шикоят (ариза) билан мурожаат қилиб, қуйидагиларни сўраган:

• 
  суд бошқарувчисининг Банкни кредиторларнинг талаблари реестрига киритишни рад қилиш ифодаланган ҳаракатларини ноқонуний деб топиш;
  
• 
  суд бошқарувчиси зиммасига қарздор кредиторларининг талаблари реестрига Банкнинг 2 506 246 375,53 сўм миқдордаги талабини қўшиш мажбуриятини юклаш;
  
• 
  А.А.ни суд бошқарувчиси мажбуриятларини бажаришдан озод қилиш;
  
• 
  кредиторларнинг талаблари реестридан навбатдан ташқари тугатиш харажатларини, шу жумладан А.А.га суд бошқарувчиси этиб тайинланган кундан ҳақ тўлаш билан боғлиқ харажатларни чиқариб ташлаш.
  

Банкнинг (кредиторнинг) важлари:
Фоизларни ўстирмаслик тўғрисидаги Низомга мувофиқ фоизлар кредит бўйича қарздорлик амалда қоплангунга қадар ўтказиб борилади. Ўзбекистон Республикаси Олий суди ва Ўзбекистон Республикаси Олий хўжалик суди Пленумининг 2006 йил 22 декабрдаги 13/150-сонли “Кредит шартномаларидан келиб чиқадиган мажбуриятлар бажарилишини таъминлаш тўғрисидаги фуқаролик қонун ҳужжатларини қўллашнинг айрим масалалари ҳақида”ги қарорининг 5-бандига кўра кредитдан фойдаланганлик учун фоизлар, кредит ташкилоти томонидан қарз олувчи (қарздор) банкнинг пул маблағларидан амалда фойдаланган бутун даври учун, ҳатто актив (кредит/қарз) ўстирмаслик мақомига ўтказилган тақдирда ҳам, пул мажбуриятларини кечиктириш даврини қўшган ҳолда ҳисобланиши мумкин. Банкнинг қарздор кредиторларининг талаблари реестрига киритилиши керак бўлган талабларининг умумий миқдори 2 511 953 029 сўмни, шу жумладан 2 499 841 253,53 сўм қарздорлик (1 410 797 145,11 сўм – муддати ўтган кредит, 1 089 044 108,42 сўм – фоизлар), 56 274 сўм банк хизмат ҳақи ва банкротлик жараёнида амалга оширилган харажатлар 12 077 101 сўмни ташкил этади.