Ўзбекистон Республикасини янада ривожлантириш бўйича Ҳаракатлар стратегияси тўғрисида

Низонинг моҳияти
Иссиқлик энергиясини етказиб берувчи ташкилот (бундан буён матнда – жавобгар деб юритилади) ҳамда хусусий корхона (бундан буён матнда – даъвогар деб юритилади) ўртасида иссиқлик энергияси етказиб бериш ҳақида шартнома тузилган. Шартнома шартларига кўра, жавобгар даъвогарни ўз вақтида иссиқлик энергияси билан таъминлаш, даъвогар эса истеъмол қилинган ичимлик суви бўйича тўловларни амалга ошириш мажбуриятини олган.
2016 йил 20 ноябрдан 21 ноябрга ўтар кечаси жавобгар етарли даражада иссиқ сув ҳолдаги иссиқлик энергиясини етказиб бермаганлиги ва бунинг натижасида 0,85 гектарга экилган помидор кўчатлари нобуд бўлган.
Бунинг натижасида ушбу ер майдонидан 102 000 кг ҳосил олиниши мумкинлиги, 2017 йил январь ойида 1 кг помидор 11 000-13 000 сўм нархда сотилганлиги, даъвогар шартномада белгиланган миқдорда иссиқлик энергияси етказиб берилганида 102 000 кг помидорни сотиб 1 326 000 000 сўм фойда олиши мумкинлиги даъво аризасида кўрсатилган.
Даъвогарнинг юборган талабномасида кўрсатилган сумма жавобгар томонидан ихтиёрий равишда тўлаб берилмаган.
Шу сабабли даъвогар судга даъво аризаси билан мурожаат қилиб, жавобгардан 1 326 000 000 сўм етказилган зарар ундиришни сўраган.


Даъвогарнинг важлари
Тарафлар ўртасида иссиқлик энергияси етказиб бериш ҳақида шартнома тузилган. Шартнома шартларига кўра, жавобгар даъвогарни ўз вақтида иссиқлик энергияси билан таъминлаши, даъвогар эса истеъмол қилинган ичимлик суви бўйича тўловларни амалга ошириши лозим бўлган.
2016 йил 20 ноябрдан 21 ноябрга ўтар кечаси жавобгар етарли даражада иссиқ сув ҳолдаги иссиқлик энергиясини етказиб бермаганлиги ва бунинг натижасида 0,85 гектарга экилган помидор кўчатлари нобуд бўлиши оқибатида даъвогар 1 326 000 000 сўм зарар кўрган.
Шу асосда даъвогар томонидан жавобгарга ушбу суммани ихтиёрий равишда тўлаб бериш тўғрисида талабнома юборилган.
Даъвогар томонидан юборилган талабномани жавобгар оқибатсиз қолдирганлиги сабабли жавобгардан 1 326 000 000 сўм миқдорида етказилган зарар суммасини ундириш лозим бўлади, деб ҳисоблаган.