Ўзбекистон Республикасини янада ривожлантириш бўйича Ҳаракатлар стратегияси тўғрисида

Кўчмас мулкка оид олди-сотди шартномасининг тегишли тартибда давлат рўйхатидан ўтказилмаганлиги, ушбу шартномани ҳақиқий эмас деб топилишига сабаб бўлади.


Низонинг моҳияти
”А” масъулияти чекланган жамияти (бундан буён матнда – даъвогар деб юритилади), “Б” масъулияти чекланган жамияти (бундан буён матнда – жавобгарлар деб юритилади) ўртасида кўчмас мулк олди-сотди шартномаси тузилган.
Шартнома шартларига кўра, даъвогар ўзига мулк ҳуқуқи асосида тегишли бўлган 17 352,72 м² ер майдонида жойлашган бино ва иншоотларни жавобгарга сотиши, жавобгар эса тегишли ҳужжатлар билан кўчмас мулк топширилгандан сўнг унинг ҳақини тўлаши лозим бўлган.
Даъвогар томонидан тарафлар ўртасида тузилган топшириш-қабул қилиш далолатномасига асосан мулклар жавобгарга топширилган.
Шартнома шартида кўчмас мулк учун тўлов муддати, кўчмас мулк тегишли тартибда жавобгарга топшириш-қабул қилиш далолатномасига асосан топширилганидан сўнг 30 кун қилиб белгиланган бўлса-да, бир йилдан отиқ муддат давомида ҳам жавобгар тўловни амалга оширмаган.
Жавобгар шартнома мажбуриятларини қўпол равишда бузган, яъни кўчмас мулк ҳақи белгиланган муддат ўтган бўлса-да, тўловни амалга ошириш чораларини кўрмаган.
Шу сабабли даъвогар судга даъво аризаси билан мурожаат қилиб, тарафлар ўртасида тузилган кўчмас мулк олди-сотди шартномасини ҳақиқий эмас деб топишни сўраган.


Даъвогарнинг важлари
Тарафлар ўртасида тузилган кўчмас мулк олди-сотди шартномаси шартларига кўра, даъвогарга мулк ҳуқуқи асосида тегишли бўлган 17 352,72 м² ер майдонида жойлашган бино ва иншоотларни жавобгарга сотиши, жавобгар эса тегишли ҳужжатлар билан кўчмас мулк топширилгандан сўнг унинг ҳақини тўлаши лозим бўлган.
Тарафлар ўртасида тузилган топшириш-қабул қилиш далолатномасига асосан мулклар жавобгарга топширилган.
Шартнома шартида кўчмас мулк учун тўлов муддати, кўчмас мулк тегишли тартибда жавобгарга топшириш-қабул қилиш далолатномасига асосан топширилганидан сўнг 30 кун қилиб белгиланган бўлса-да, бир йилдан отиқ муддат давомида ҳам жавобгар тўловни амалга оширмаган.
Жавобгарга тўловларни амалга ошириш ҳақида бир неча маротаба талабнома юборилган бўлишига қарамай, бугунги кунга қадар тўловни амалга оширмай келган.
Шу асосда тарафлар ўртасида тузилган кўчмас мулк олди-сотди шартномасини ҳақиқий эмас деб топиш лозим бўлади, деб ҳисоблаган.