Ўзбекистон Республикасини янада ривожлантириш бўйича Ҳаракатлар стратегияси тўғрисида

Даъво муддатини ўтганлиги олди-сотди шартномасини ҳақиқий эмас деб топиш ҳақидаги даъво талабини қаноатлантиришни рад этиш учун асос бўлади.


Низонинг моҳияти
Акциядорлик жамияти (бундан буён матнда – даъвогар деб юритилади) ва масъулияти чекланган жамияти (бундан буён матнда – жавобгар деб юритилади) ўртасида қимматли қоғозлар бўйича олди-сотди шартномаси тузилган.
Шартнома шартларига кўра, даъвогар ўзига тегишли бўлган 16 дона номинал қиймати 1000 сўмдан бўлган акцияларини 16 000 сўмга сотиши, жавобгар эса сотиб олинган акциялар ҳақини тўлаши лозим бўлган.
Мазкур шартнома 2008 йил 4 апрелда 24-тартиб рақами билан рўйхатга олиниб, 16 дона оддий акциялар жавобгар номига расмийлаштирилган.
Шартнома юридик оқибатлар туғдириш нияти бўлмаган ҳолда, номигагина тузилган. Яъни, сотилган акциялардан келиб тушган маблағлар акциядорлик жамияти учун хеч қандай наф келтирмаган.
Шу сабабли даъвогар судга даъво аризаси билан мурожаат қилиб, тарафлар ўртасида тузилган қимматли қоғозлар бўйича олди-сотди шартномасини ҳақиқий эмас деб топишни сўраган.


Даъвогарнинг важлари
Тарафлар ўртасида қимматли қоғозлар бўйича олди-сотди шартномаси тузилган. Шартнома шартларига кўра, даъвогар ўзига тегишли бўлган 16 дона номинал қиймати 1000 сўмдан бўлган акцияларини 16 000 сўмга сотиши, жавобгар эса сотиб олинган акциялар ҳақини тўлаши лозим бўлган.
Мазкур шартнома 2008 йил 4 апрелда 24-тартиб рақами билан рўйхатга олиниб, 16 дона оддий акциялар жавобгар номига расмийлаштирилган. Бироқ, шартнома юридик оқибатлар туғдириш нияти бўлмаган ҳолда, номигагина тузилган, яъни, сотилган акциялардан келиб тушган маблағлар акциядорлик жамияти учун хеч қандай наф келтирмаган.
Шунинг учун тарафлар ўртасида тузилган қимматли қоғозлар бўйича олди-сотди шартномасини ҳақиқий эмас деб топиш лозим бўлади, деб ҳисоблаган.


Жавобгарнинг важлари
Тарафлар ўртасида қимматли қоғозлар бўйича олди-сотди шартномаси 2008 йил 4 апрелда тузилган. Қонун ҳужжатларига асосан, даъвогарнинг мазкур талаб юзасидан судга мурожаат қилиш учун даъво муддати ўтиб кетганлигини таъкидлаган.
Шу сабабли даъво талабини қаноатлантиришни рад этиш лозим, деб ҳисоблаган.