Ўзбекистон Республикасини янада ривожлантириш бўйича Ҳаракатлар стратегияси тўғрисида

Низонинг моҳияти
Ичимлик суви билан таъминлаш ва оқова сувларни қабул қилиш ташкилоти (бундан буён матнда – даъвогар деб юритилади) ҳамда хусусий корхонаси (бундан буён матнда – жавобгар деб юритилади) ўртасида ичимлик сувини етказиб бериш ва оқова сувларни қабул қилиш ҳақида шартнома тузилган. Шартнома шартларига кўра, даъвогар жавобгарни ўз вақтида ичимлик суви билан таъминлаш, жавобгар эса истеъмол қилинган ичимлик суви бўйича тўловларни амалга ошириш мажбуриятини олган.
Даъвогар ходимлари томонидан жавобгарнинг сувдан фойдаланиш қоидаларига риоя қииниши ҳолати юзасидан 2017 йил 24 мартда ўтказилган ўрганишда Д-65 мм.ли қувурда ўрнатилган сув ўлчагич пломбаси бут ҳолатда эканлиги, аммо унинг сув ўтказиш меъёр кўрсаткичи тўхтаб қолаётганлиги (ишламаётганлиги) аниқланиб, уни 30 кунлик муддатда таъмирлаш ёки янгиси билан алмаштириш юзасидан кўрсатма берилган.
Шунингдек, далолатномага кўра, сарф қилинган сув миқдори ундан фойдаланган вақтдан бошлаб қайта ҳисоб-китоб қилинган ва 29 694 480 сўм тўлов қайта ҳисобланган. Шу асосда даъвогар томонидан жавобгарга ушбу суммани ихтиёрий равишда тўлаб бериш тўғрисида талабнома юборилган.
Даъвогарнинг юборган талабномасида кўрсатилган сумма жавобгар томонидан ихтиёрий равишда тўлаб берилмаган.
Шу сабабли даъвогар судга даъво аризаси билан мурожаат қилиб, жавобгардан 29 694 480 сўм асосий қарз ва 3 909 388 сўм пеня ундиришни сўраган.


Даъвогарнинг важлари
Даъвогар ходимлари томонидан жавобгарнинг сувдан фойдаланиш қоидаларига риоя қииниши ҳолати юзасидан 2017 йил 24 мартда ўтказилган ўрганишда Д-65 мм.ли қувурда ўрнатилган сув ўлчагич пломбаси бут ҳолатда эканлиги, аммо унинг сув ўтказиш меъёр кўрсаткичи тўхтаб қолаётганлиги (ишламаётганлиги) аниқланиб, уни 30 кунлик муддатда таъмирлаш ёки янгиси билан алмаштириш юзасидан кўрсатма берилган.
Бу ҳақда даъвогар ходимлари ва жавобгар раҳбари иштирокида далолатнома тузилган. Далолатномада сарф қилинган сув миқдори ундан фойдаланган вақтдан бошлаб қайта ҳисоб-китоб қилинган ва 29 694 480 сўм тўлов қайта ҳисобланган.
Шу асосда даъвогар томонидан жавобгарга ушбу суммани ихтиёрий равишда тўлаб бериш тўғрисида талабнома юборилган.
Даъвогар томонидан юборилган талабномани жавобгар оқибатсиз қолдирганлиги сабабли жавобгардан 29 694 480 сўм асосий қарз ва 3 909 388 сўм пеня ундириш лозим бўлади, деб ҳисоблаган.