Ўзбекистон Республикасини янада ривожлантириш бўйича Ҳаракатлар стратегияси тўғрисида

Низонинг моҳияти
“А” масъулияти чекланган жамияти (бундан буён матнда – даъвогар деб юритилади) ва “Б” масъулияти чекланган жамияти (бундан буён матнда – жавобгар деб юритилади) ўртасида маҳсулот етказиб бериш бўйича шартнома тузилган.
Мазкур шартнома шартларига кўра, даъвогар жавобгарга умумий қиймати 1 362 067 200 сўмлик маҳсулот етказиб бериш, жавобгар эса ушбу маҳсулотлар ҳақини тўлаш мажбуриятини олган.
Ушбу шартнома шартларига асосан даъвогар томонидан етказиб берилган маҳсулот учун қўшимча қиймат солиғи бўйича ноль ставка қўлланилиши, яъни “сотиб олувчи” маҳсулотни қўшимча қиймат солиғисиз сотиб олиши белгиланган.
Бироқ, жавобгар ушбу имтиёздан асоссиз равишда фойдаланган ҳолда шартнома тузишга эришган. Бунинг оқибатида солиқ органи томонидан даъвогар жавобгарга етказиб берган маҳсулоти бўйича унга (даъвогарга) 254 793 960 сўм миқдорида қўшимча қиймат солиғи ҳисобланган.
Жавобгар томонидан содир этилган ҳаракатсизлик натижасида даъвогар 254 793 960 сўм миқдорида зарар кўрган.
Шу асосда даъвогар судга даъво аризаси билан мурожаат қилиб, жавобгардан 254 793 960 сўм миқдорида етказилган зарарни ундиришни сўраган.


Даъвогарнинг важлари
Тарафлар ўртасида тузилган маҳсулот етказиб бериш шартномаси шартларига кўра, даъвогар маҳсулот етказиб бериши, жавобгар эса етказиб берилган маҳсулот ҳақини тўлаши лозим бўлган.
Мазкур шартнома шартларига кўра, даъвогар жавобгарга умумий қиймати 1 362 067 200 сўмлик маҳсулот етказиб беришни, жавобгар эса бу маҳсулотлар ҳақини тўлаш мажбуриятини олган.
Жавобгар шартнома тузиш вақтида етказиб берилган маҳсулотлар учун тўланадиган қўшимча қиймат солиғини тўлашда озод этилган ташкилотлар рўйхатига кириши ҳақида асоссиз ҳужжатлар тақдим қилганлиги оқибатида даъвогар жавобгарга етказиб берган маҳсулоти бўйича 254 793 960 сўм миқдорида қўшимча қиймат солиғи ҳисобланган.
Шунинг учун жавобгардан 254 793 960 сўм миқдорида етказилган зарарни ундириш лозим бўлади, деб ҳисоблаган.