Ўзбекистон Республикасини янада ривожлантириш бўйича Ҳаракатлар стратегияси тўғрисида

Низонинг моҳияти
Фермер хўжалиги (бундан буён матнда – даъвогар деб юритилади) ва акциядорлик жамияти (бундан буён матнда – жавобгар деб юритилади) ўртасида контрактация шартномаси тузилган.
Мазкур шартнома шартларига кўра, даъвогар 20 га ер майдонига маҳсулот экиб, жавобгарга умумий баҳоси 420 000 000 сўм бўлган 600 тонна сабзавот (лавлаги) (бундан буён матнда маҳсулот деб юритилади) топшириш, жавобгар эса даъвогарни ушбу шартномада белгиланган миқдорда ва тартибда сабзавот уруғи билан таъминлаш, етиштирилган маҳсулотни қабул қилиб олиш ва унинг ҳақини тўлаш мажбуриятини олган.
Жавобгар томонидан даъвогарга бўнак тариқасида тегишли тўлов топшириқномалари асосида жами 120 000 000 сўм маблағ ўтказиб берилган. Даъвогар эса жавобгарга юк хати ҳисоб варақаси орқали жами 82 475 кг. (1 кг. 490 сўм) 40 412 470 сўмлик маҳсулот топширган.
Даъвогар 600 тонна маҳсулотни тайёрлаш учун жами 172 686 406 сўм ҳаражат қилган. Жавобгарга бир неча бор маҳсулотни олиб кетиш ҳақида ёзма хабар берилган, аммо у маҳсулотни қабул қилишдан бош тортган. Бунинг натижасида даъвогар 52 686 406 сўм зарар кўрган.
Шу асосда даъвогар судга даъво аризаси билан мурожаат қилиб, жавобгардан 52 686 406 сўм миқдорида етказилган зарар ва 36 226 750 сўм жарима ундиришни сўраган.


Даъвогарнинг важлари
Тарафлар ўртасида тузилган контрактация шартномаси шартларига кўра, даъвогар маҳсулот етказиб бериши, жавобгар эса етказиб берилган маҳсулот ҳақини тўлаши лозим бўлган.
Мазкур шартнома шартларига кўра, даъвогар 20 га ер майдонига маҳсулот экиб, жавобгарга умумий баҳоси 420 000 000 сўм бўлган 600 тонна сабзавот (лавлаги) (бундан буён матнда маҳсулот деб юритилади) топшириши, жавобгар эса даъвогарни ушбу шартномада белгиланган миқдорда ва тартибда сабзавот уруғи билан таъминлаш, етиштирилган маҳсулотни қабул қилиб олиш ва унинг ҳақини тўлаши лозим бўлган.
Даъвогар томонидан жавобгарга бир неча бор маҳсулотни олиб кетиш ҳақида ёзма хабар берилган бўлса-да, жавобгар маҳсулотни қабул қилишдан бош тортган. Бунинг натижасида даъвогар 52 686 406 сўм зарар кўрган.
Шунинг учун жавобгардан 52 686 406 сўм миқдорида етказилган зарар ва 36 226 750 сўм жаримани ундириш лозим бўлади, деб ҳисоблаган.