Ўзбекистон Республикасини янада ривожлантириш бўйича Ҳаракатлар стратегияси тўғрисида

Низонинг моҳияти
“А” масъулияти чекланган жамияти (бундан буён матнда – даъвогар деб юритилади), “Б” масъулияти чекланган жамияти (бундан буён матнда – жавобгарлар деб юритилади) ўртасида олди-сотди шартномаси тузилган.
Шартнома шартларига кўра, жавобгар даъвогарга 2013 йилда ишлаб чиқарилган “SHANHI SX3254DR384” русумли юк (ўзи ағдарувчи), двигатель WD123361113G007821, кузов рақамсиз, шасси LZGJLDR46DX043661, сариқ рангли транспорт воситасини етказиб беришни, жавобгар эса унинг ҳақини тўлашни ўз зиммасига олган.
Даъвогар томонидан жавобгарга транспорт воситаси учун 200 000 000 сўм пул маблағи ўтказиб берилган. Шунга кўра, жавобгар томонидан даъвогарга транспорт воситаси етказиб берилган.
Жавобгар томонидан транспорт воситасининг олди-сотди шартномаси нотариал тартибда расмийлаштирилиб берилмаётганлиги боис, даъвогар судга даъво аризаси билан мурожаат қилиб, жавобгар билан тузилган олди-сотди шартномасини ҳақиқий деб топишни сўраган.


Даъвогарнинг важлари
Тарафлар ўртасида тузилган олди-сотди шартномаси шартларига кўра, жавобгар даъвогарга 2013 йилда ишлаб чиқарилган “SHANHI SX3254DR384” русумли юк (ўзи ағдарувчи), двигатель WD123361113G007821, кузов рақамсиз, шасси LZGJLDR46DX043661, сариқ рангли транспорт воситасини етказиб беришни, жавобгар эса унинг ҳақини тўлашни ўз зиммасига олган.
Бироқ, жавобгар тарафлар ўртасида тузилган олди-сотди шартномасини нотариал тартибда расмийлаштириб бермаган.
Шунингдек, даъвогар транспорт воситаси таъқиқда бўлганлигидан хабари бўлмаганлиги, таъқиқда эканлигидан хабардор бўлганда транспорт воситасини кредит маблағи эвазига сотиб олмаган бўлишлиги, транспорт воситаси жавобгарнинг бошқа ташкилотдан бўлган қарзи эвазига олиб қўйилганлиги ва ким ошди савдосида сотиб юборилганлигини таъкидлаган.
Шартномага кўра, даъвогар томонидан жавобгарга транспорт воситаси учун 200 000 000 сўм пул маблағи ўтказиб берилган ва даъвогар ушбу транспорт воситасини қабул қилиб олган.
Шу асосга кўра, тарафлар ўртасида тузилган олди-сотди шартномасини ҳақиқий деб топиш лозим бўлади, деб ҳисоблаган.