Ўзбекистон Республикасини янада ривожлантириш бўйича Ҳаракатлар стратегияси тўғрисида

Низонинг моҳияти
“А” масъулияти чекланган жамияти (бундан буён матнда – даъвогар деб юритилади) ва “Б” масъулияти чекланган жамияти (бундан буён матнда – жавобгар деб юритилади) ўртасида маҳсулот етказиб бериш шартномаси тузилган. Шартнома шартларига кўра, жавобгар шағал маҳсулотларини етказиб бериши, даъвогар эса маҳсулот ҳақини тўлаши лозим бўлган.
Мазкур шартнома шартларига кўра, жавобгар шағал маҳсулотларини етказиб беришни, даъвогар эса бу маҳсулотлар ҳақини 15 фоиз олдиндан пул ўтказиш йўли билан тўлаш мажбуриятини олган.
Ушбу шартномага асосан даъвогар томонидан шартномада кўрсатилган маҳсулотлар ҳақининг 15 фоизи олдиндан пул ўтказиш йўли билан тўлаб берилган бўлса-да, жавобгар томонидан шағал маҳсулотларини етказиб бериш чоралари кўрилмаган.
Шу асосда даъвогар судга даъво аризаси билан мурожаат қилиб, жавобгардан 8 150 000 сўм асосий қарз ва 4 075 000 сўм пеня ундиришни сўраган.


Даъвогарнинг важлари
Тарафлар ўртасида тузилган маҳсулот етказиб бериш шартномаси шартларига кўра, жавобгар қурилиш материалларини етказиб бериши, даъвогар эса етказиб берилган маҳсулот ҳақини тўлаши лозим бўлган.
Мазкур шартнома шартларига кўра, жавобгар шағал маҳсулотларини етказиб беришни, даъвогар эса бу маҳсулотлар ҳақининг 15 фоизини олдиндан, қолган қисмини эса маҳсулот етказиб берилганидан кейин 30 кун ичида пул ўтказиш йўли билан тўлаш мажбуриятини ўз зиммасига олган.
Даъвогар томонидан етказиб берилиши лозим бўлган масуҳсулот учун шартномада кўрсатилган 15 фоиз тўловни, яъни 8 150 000 сўмни олдинган пул ўтказиш йўли билан тўлаб берилган бўлса-да, жавобгар томонидан шағал маҳсулотларини етказиб бериш чоралари кўрилмаган.
Шунинг учун жавобгардан 8 150 000 сўм асосий қарз ва 4 075 000 сўм пеня ундириш лозим бўлади, деб ҳисоблаган.


Жавобгарнинг важлари
Жавобгар вакили мазкур шартномага асосан жавобгар томонидан даъвогарга тегишли счет-фактура ва ишончномалар расмийлаштирилган ҳолда 8.150.000 сўмлик маҳсулот етказиб берилганлигини, даъвогар томонидан судга тақдим қилинган ҳужжатлар ва ундаги маълумотлар аслида ҳақиқатга яқин эмаслигини, маълумотлар қалбакилаштирилганлигини билдирган.
Шунингдек, жавобгар вакили судга даъвогарга шартномада кўрсатилган маҳсулотлар етказиб берилганлигини исботловчи ҳужжатларни тақдим этган.
Қайд этилганларга кўра, даъвогарнинг асосий қарз ҳамда пеня ундириш ҳақидаги даъво талабларини қаноатлантириш тўлиқ рад этилиши лозим, деб ҳисоблаган.