Ўзбекистон Республикасини янада ривожлантириш бўйича Ҳаракатлар стратегияси тўғрисида

Низонинг моҳияти
Масъулияти чекланган жамият (даъвогар) ва фермер хўжалиги (жавобгар) ўртасида лизинг шартномаси тузилган.
Унга кўра, жавобгар бир дона “ТТЗ-8011” русумли трактор ва бир дона “VP-1” русумли пуркагични лизингга бериши, даъвогар эса трактор ва пуркагич учун тўловни амалга ошириши белгиланган.
Жавобгар даъвогар танлаган сотувчи билан лизинг объектларини сотиб олиш учун олди-сотди шартномасини тузган.
Аммо, лизинг объектлари сотувчининг айби билан шартномада белгиланган муддатларда етказиб берилмаган, натижада даъвогар жавобгарга нисбатан судга мурожаат қилиб, лизинг шартномасини бекор қилишни сўраган.


Даъвогарнинг важлари
Биз ҳамда жавобгар ўртасида лизинг шартномаси тузилган.
Шартномага кўра, жавобгар бир дона “ТТЗ-8011” русумли трактор ва бир дона “VP-1” русумли пуркагични лизингга бериши, даъвогар эса трактор ва пуркагич учун тўловни амалга ошириши белгиланган.
Лизинг объектини сотиб олиш учун олди-сотди шартномаси тузилган бўлсада, объект ҳозирги кунга қадар даъвогарга етказиб берилмаган.
Даъвогарнинг асосий фаолияти қишлоқ хўжалиги маҳсулотларини етказиш бўлганлиги сабабли, лизинг объекти унга айнан шу фаолият учун керак бўлган.
Бироқ, қишлоқ хўжалиги мавсуми якунланиб бораётганлиги ҳамда объект ҳозирга қадар етказиб берилмаганлигини инобатга олиб, лизинг шартномасини бекор қилиш лозим.


Жавобгарнинг важлари
Биз ҳамда даъвогар ўртасида лизинг шартномаси тузилган.
Унга кўра, жавобгар бир дона “ТТЗ-8011” русумли трактор ва бир дона “VP-1” русумли пуркагични лизингга бериши, даъвогар эса трактор ва пуркагич учун тўловни амалга ошириши белгиланган.
Жавобгар томонидан айнан даъвогар танлаган сотувчи билан лизинг объектларини сотиб олиш учун олди-сотди шартномаси тузилган тузилган.
Аммо, лизинг объектлари сотувчининг айби билан шартномада белгиланган муддатларда етказиб берилмаган, мазкур ҳолатда жавобгарнинг айби мавжуд эмас.
Шу сабабли даъво талабларини қаноатлантиришни рад этиш лозим.