Ўзбекистон Республикасини янада ривожлантириш бўйича Ҳаракатлар стратегияси тўғрисида

Низонинг мохияти:
Шаҳар ҳокимининг қарорига асосан хусусий корхонага замонавий лойиҳалар асосида 3 қаватли савдо ва маиший хизмат кўрсатиш шахобчаси қуриш учун Бобур кўчасидан 96,0 кв.метр ер участкаси ажратилган ва тегишли лойиҳа-смета ҳужжатларини тайёрлашга рухсат берилган.
Кадастр органи томонидан хусусий корхонага ер участкасига бўлган ҳуқуқнинг давлат рўйхатидан ўтказилганлиги тўғрисида тегишли гувоҳнома берилган.
Хусусий корхонага Ўзбекистон Республикаси Давлат архитектура қурилиш қўмитаси томонидан бино-иншоотлар қуришга рухсатнома берилган.
Бироқ, масъулияти чекланган жамиятининг балансида бўлган 6/0,4 кВ ТП-783/400 кВА трансформатор хусусий корхонага ажратилган 96,0 кв.метр ер майдонига ўрнатилган.
Бу эса, хусусий корхонанинг ўзига ажратилган ер майдонидан мақсадли фойдаланиш имкониятини чеклаган, яъни бу орқали унинг ердан фойдаланиш ҳуқуқи бузилган.
Шунинг учун хусусий корхона (бундан буён матнда – даъвогар деб юритилади) судга даъво аризаси билан мурожаат қилиб, масъулияти чекланган жамияти (бундан буён матнда – жавобгар деб юритилади) зиммасига даъвогарга тегишли бўлган 96,0 квадрат метр ер майдонидан 6/0,4 кВ ТП-783/400кВА трансформаторни олиб чиқиш мажбуриятини юклашни сўраган.


Хусусий корхона (даъвогар)нинг важлари:
Хусусий корхона ўзига ажратилган ер майдонида қурилиш ишларини амалга ошириши керак. Бироқ, жавобгарга тегишли бўлган трансформатор қурилиш ишларини амалга оширишга халақит беради. Қолаверса, трансформатор ўрнатилган ер участкасига нисбатан жавобгарда бирор-бир ҳуқуқий ҳужжат мавжуд эмас.
Трансформатор жойлашга ер участкаси даъвогарга тегишли эканлиги даъво аризасига илова қилинган ҳужжатлар билан тўлиқ тасдиқланган.
Шунинг учун даъво аризаси қаноатлантирилиши лозим.


Масъулияти чекланган жамияти (жавобгар)нинг важлари:
Жавобгар ўз иш фаолиятини нормал йўлга қўйиш учун 2013 йилда электр тармоғига уланган. Даъвогарнинг низоли ер участкасига бўлган мулк ҳуқуқи эса 2017 йилда вужудга келган.
Шунинг учун даъвогарнинг даъво аризасини қаноатлантириш рад этилиши лозим.

Суд қарори: