Ўзбекистон Республикасини янада ривожлантириш бўйича Ҳаракатлар стратегияси тўғрисида

Ўз фаолиятини электрон тижорат шаклида амалга ошираётган якка тартибдаги тадбиркор даромадлар ва товар операцияларини ҳисобга олиш регистрларини юритишдан озод қилинмаган.


Низонинг моҳияти:
Назорат қилувчи органлар фаолиятини мувофиқлаштирувчи Республика кенгашининг рухсати, туман Давлат солиқ инспекциясининг буйруғига асосан якка тартибдаги тадбиркорнинг фаолиятида Ўзбекистон Республикаси солиқ қонунчилигига риоя қилиниши юзасидан текшириш ўтказилиб, текшириш далолатномаси расмийлаштирилган.
Текшириш даврида якка тартибдаги тадбиркорнинг ҳисоб рақамига нақд пулсиз кўринишда жами реализация қилишдан тушган 2 833 975 056 сўм тушумнинг ҳисобга олиш регистирларида акс эттирилмаганлиги ҳолати аниқланган.
Текшириш материаллари Давлат солиқ инспекцияси томонидан кўриб кўриб чиқилиб, солиққа оид қонунбузарликларни бартараф этиш тўғрисидаги қарор қабул қилинган. Ушбу қарорда якка тартибдаги тадбиркорга нисбатан Ўзбекистон Республикасининг Солиқ кодекси (бундан буён матнда Солиқ кодекси деб юритилади) 114-моддасининг учинчи қисмига асосан 2 833 975 056 сўм яширилган тушум суммасининг 20 фоизи миқдорида 566 795 011 сўм миқдорида молиявий жарима қўллаш белгиланган. Қарорда жавобгардан молиявий жарима суммасини ихтиёрий тўлаш сўралган.
Ушбу молиявий жарима суммаси якка тартибдаги тадбиркор томонидан ихтиёрий тўланмаганлиги сабабли Давлат солиқ инспекцияси (бундан буён матнда ДСИ деб юритилади) судга ариза билан мурожаат қилиб, унга нисбатан молиявий санкция қўллашни сўраган.

ДСИ (аризачининг) важлари:

Якка тартибдаги тадбиркор томонидан ҳуқуқбузарлик содир этилганлиги барча далиллар билан тўлиқ тасдиқланган. Шунинг учун ариза тўлиқ қаноатлантирилиши лозим.

Якка тартибдаги тадбиркор (жавобгар)нинг важлари:

Электрон тижорат билан шуғулланувчи шахсаларга нисбатан даромадларни ва товар операцияларини ҳисобга олиш ва товар чеклари дафтарлари юритиш қонун талаби тадбиқ этилмайди.
Бундан ташқари, текшириш бўйича қўзғатилган жиноят иши савдо қоидаларини бузиш аломатлари мавжуд эмаслиги сабабли тугатилган. Шу сабабли ДСИнинг аризасини қанотлантириш рад этилиши лозим.