Ўзбекистон Республикасини янада ривожлантириш бўйича Ҳаракатлар стратегияси тўғрисида

Низонинг моҳияти
Масъулияти чекланган жамият (лизинг берувчи) ва хусусий корхона (лизинг олувчи) ўртасида 2012 йил 6 январда 33/2-сонли лизинг шартномаси тузилган. Ушбу шартномага мувофиқ лизинг берувчи бир дона “Нексия” русумли автомашинани лизингга бериши, лизинг олувчи эса лизингга олинган автомашина учун лизинг тўловларини амалга ошириши белгиланган.
Шартнома шартлари лизинг берувчи томонидан тўлиқ бажарилиб, “Нексия” русумли автомашина лизинг олувчига топшириш-қабул қилиш далолатномаси асосида топширилган.
2013 йилнинг 6 апрель куни бахтсиз ҳодиса рўй бериши натижасида автомашинадан фойдаланиш имконияти йўқотилган.
Бахтсиз ҳодисага сабаб бўлувчи ҳолатнинг юзага келишида лизинг олувчининг айби бўлмаганлиги ва автомашинадан фойдаланиш имконияти умуман қолмаганлиги учун лизинг олувчи лизинг берувчига нисбатан судга даъво аризаси билан мурожаат қилиб, 2012 йил 6 январда 33/2-сонли лизинг шартномасини бекор қилишни ва шартномага асосан тўлаб берилган 45 000 000 сўм миқдоридаги лизинг тўловларини қайтаришни сўраган.


Лизинг олувчининг важлари
Биз ҳамда лизинг берувчи ўртасида 2012 йил 6 январда 33/2-сонли бир дона “Нексия” русумли автомашинани лизингга бериш тўғрисида лизинг шартномаси тузилган.
Лизинг объектини қабул қилиш-топшириш далолатномаси асосида лизинг олувчи қабул қилган.
2013 йилнинг 6 апрель куни бахтсиз ҳодиса рўй бериши натижасида автомашинадан фойдаланиш имконияти йўқотилган.
Бахтсиз ҳодисага сабаб бўлувчи ҳолатнинг юзага келишида лизинг олувчининг айби мавжуд эмас.
2012 йил 6 январда 33/2-сонли лизинг шартномасида лизинг объекти бахтсиз ҳодиса натижасида нобуд бўлганда, лизинг олувчи жавобгар бўлиши кўрсатилмаган.
Лизинг объекти учун 45 000 000 сўм тўланган бўлсада, мазкур объектга нисбатан мулк ҳуқуқи лизинг олувчига ўтмаган. Бу мулк лизинг берувчининг мулки ҳисобланади.
Шу сабабли 2012 йил 6 январда 33/2-сонли лизинг шартномасини бекор қилиш ва шартномага асосан тўлаб берилган 45 000 000 сўм миқдоридаги лизинг тўловларини қайтариш лозим.