Ўзбекистон республикаси ветеринария ва чорвачиликни ривожлантириш давлат қЎмитаси самарқанд ветеринария медицинаси институти

ЎЗБЕКИСТОН РЕСПУБЛИКАСИ
ВЕТЕРИНАРИЯ ВА ЧОРВАЧИЛИКНИ РИВОЖЛАНТИРИШ ДАВЛАТ ҚЎМИТАСИ


САМАРҚАНД ВЕТЕРИНАРИЯ МЕДИЦИНАСИ ИНСТИТУТИ

“TAДИҚЛАЙМАН” Ўқув ишлари бўйича проректор __­­­­______ Б.Д. Нарзиев “___” ______ 2019 йил

ПАРАЗИТОЛОГИЯ ФАНИДАН
АМАЛИЁТ ДАСТУРИ
(Услубий қўлланма)



Самарқанд – 2019


Муаллифлар: “Паразитология ва ветеринария ишини ташкил этиш” кафедрасининг мудири, доцент Т.И. Тайлоқов, доцент Ҳақбердиев П.С.,


Тақризчилар: 1. Профессор Қ.Н. Норбоев
2. Профессор А.С. Даминов
Амалиёт дастури Паразитология ва ветеринария ишини ташкил этиш кафедраси йиғилиши (2019 йил, 11 сентябр, 2- сон баённома)да муҳокама қилинган.

Ветеринария диагностикаси ва озиқ овқат хавфсизлиги факультети кенгаши (09.10.2019 й., 3-сон баённома) томонидан маъқулланган.

Институт марказий услубий кенгаши йиғилиши (2019 йил, 22-октябр, 3-сон баённома) да тасдиқланган.

КИРИШ

Ветеринария профилактикаси ва даволаш факуьтетининг 5440100-ветеринария йўналиши 4-босқич талабалари “Паразитология” фанидан малакавий амалиёт ўтайди ва амалиёт даврида талабанинг ушбу фан бўйича назарий билимлари амалий кўникмалар билан мустаҳкамланади.

Амалиёт даврида талаба фан бўйича даволаш-профилактик тадбирларда иштирок этиш билан биргаликда битирув малакавий ишлари бўйича тадқиқотлар олиб бориш, шунингдек, иқтидорли талабалар тўгараги доирасидаги тадқиқот ишларини бажаришлари ҳам мумкун.
Амалиётни янада мазмунли ўтказиш мақсадида талабани фан бўйича амалиётга тайёрлаш жараёнига алоҳида эътибор берилиши лозим. Бунда, амалиёт бошланишигача фаннинг маъруза соатларининг камида 2/3 қисми ўтилган бўлиши, амалий машғулотлардан 4-5 таси ИЎТХда ва яқин фермер хўжаликлари шароитларида ўтилган бўлиши, амалиёт олди тайёргарлик маърузалари юқори савияда ўтилган бўлиши лозим.
Амалиётга жўнаш олдидан барча талабалар “Кундалик”, “Касал ҳайвонларни қайд қилиш журнали” Вет №1, ва “Эпизоотияга қарши тадбирларни қайд қилиш журнали “ Вет №2ни тайёрлаб, уларни деканат томонидан муҳрланган холда тасдиқлатишлари, шунингдек, амалиёт давригача ўтказилган клиник чиқиш дарслари мисолида уларнинг камида 2-3 бетини тўлдирган бўлишлари керак.