Ўзбекистон Республикаси Вазирлар Маҳкамасининг 1998 йил 27 июлда “Ўзбекистон Республикаси Фанлар академияси Тарих институти фаолиятини такомиллаштириш тўғрисида”ги қарорида ўзбек халқи ва унинг давлатчилиги тарихини холисона ўрганишнинг илмий асос-ларини

Келаси замон феъли (фэълэ мустақбал) иш-ҳаракатнинг келажакда аниқ бўлишлигини билдиради.
ما روز یکشنبه بکوه خواهیم رفتМо рузэ якшанбэ бэ кўҳ хоҳим рафт – Биз якшанба куни тоққа борамиз.
Келаси замон феъли таркибли бўлиб, икки қисмдан иборатдир. Унинг биринчи – кўмакчи қисми خواستن хостан – хоҳламоқ феъли ҳозирги-келаси замон шаклининг می ми- қўшимчасини олмаган қисмидан, иккинчи қисми етакчи феълнинг ўтган замон ўзагидан иборат бўлади. Урғу ҳар икки қисмнинг сўнгги бўғинига тушади.
Масалан, رفتن рафтан – бормоқ феълидан:

шахс	бирлик	кўплик
I	خواهم رفتхоҳам рафт – боргайман	خواهیم رفت хоҳим рафт – боргаймиз
II	خواهی رفت хоҳи рафт – боргайсан	خواهید رفت хоҳид рафт – боргайсиз
III	خواهد رفت хоҳад рафт – боргай	خواهند رفت хоҳанд рафт – боргайлар

Келаси замон феълининг бўлишсизи “хостан” кўмакчи феълининг олдига  на- инкор юкламасини қўшиш билан ясалади. Бунда урғу инкор юкламасига тушади. Масалан, نخواهم رفت нахоҳам рафт – бормагайман ва ҳоказо.
Қўшма феълларда келаси замон аниқ феълининг кўмакчи қисми феълнинг от қисми билан ўтган замон ўзаги орасига қўйилади. Масалан:

шахс	бирлик	кўплик
I	حرف خواهم زد ҳарф хоҳам зад – гапиргайман	حرف خواهیم زد ҳарф хоҳим зад – гапиргаймиз
II	حرف خواهی زد ҳарф хоҳи зад – гапиргайсан	حرف خواهید زد ҳарф хоҳид зад – гапиргайсиз
III	حرف خواهد زد ҳарф хоҳад зад – гапиргай	حرف خواهند زد ҳарф хоҳанд зад – гапиргайлар

Бу феълнинг бўлишсиз шакли келаси замон аниқ феъли ясовчи кўмакчи феъли олдига на- инкор юкламасини қўшиш орқали ясалади.
Масалан, حرف نخواهم زد ҳарф нахоҳам зад – гапирмагайман ва ҳоказо.