Ўзбекистон Республикаси Вазирлар Маҳкамасининг 1998 йил 27 июлда “Ўзбекистон Республикаси Фанлар академияси Тарих институти фаолиятини такомиллаштириш тўғрисида”ги қарорида ўзбек халқи ва унинг давлатчилиги тарихини холисона ўрганишнинг илмий асос-ларини

Ҳижрий-шамсий йил ойлари
Ҳижрий-шамсий йил ойлари 622-йилнинг баҳорги тенг кунлик (кеча ва кундузнинг баробар бўлиши) – 21 мартдан бошлаб ҳисобланади. Кейинги йил бошлари 20, 21, ёки 22 мартга тўғри келади. Давомийлиги Европада яъни Григорий календаридаги сингари 365 ёки 366 кундан иборат. Ҳижрий-шамсий ойлар йилнинг маълум бир вақтида келади.

№	Ҳижрий-шамсий йил ойлар	кун	Милодий йил ойларига мослиги
1.	Ҳамал	31	21 март – 22 апрель
2.	Савр	31	21 апрель – 22 май
3.	Жавзо	31	22 май – 21 июнь
4.	Саратон	31	21 июнь – 22 июль
5.	Асад	31	23 июль – 22 август
6.	Сунбула	31	23 август – 22 сентябрь
7.	Мезон	30	23 сентябрь – 22 октябрь
8.	Ақраб	30	23 октябрь – 21 ноябрь
9.	Қавс	30	22 ноябрь – 21 декабрь
10.	Жади	30	22 декабрь – 20 январь
11.	Далв	30	21 январь – 19 февраль
12.	Ҳут	29-30	20 февраль – 20 март

Ҳижрий-шамсий йилни милодий йилга, милодий йилни
ҳижрий-шамсийга айлантириш
Ҳижрий шамсий йил ҳисоби ҳам миилодий йил каби қуёш кунларига асосланади.Яъни ҳар иккала йил муддатининг давомийлиги 365(366) кундан иборат.Милодий йилни Ҳижрий шамсий йилга айлантириш учун милодий йилдан 622 ни айириш керак.Чиққан натижа ҳижрий шамсий йилни билдиради.Масалан,
1989(милодий йил)-622=1367(ҳижрий шамсий йил).
Ҳижрий шамсий йилни милодий йилга айлантириш учун эса, худди шунга тескари амал қилинади.Яъни ҳижрий шамсийга 622 сони қўшилса,милодий йил келиб чиқади:
1367(ҳижрий шамсий йил)+622=1989(милодий йил).
Ҳижрий шамсий йилни ҳижрий-қамарийга, ҳижрий қамарий йилни ҳижрий шамсийга айлантириш.
Ҳижрий шамсий йилни ҳижрий қамарийга айлантириш учун, ҳижрий шамсий йилга ҳижрий шамсий йилнинг ўттиз иккига бўлинишидан чиққан бўлинма бутун сонгача яхлитланиб, қўшилади. Шу натижа ҳижрий қамарий йил бўлади.
Ҳижрий қамарийни ҳижрий шамсийга айлантириш учун юқоридагига тескари амал қилинади. Масалан, 1410 ҳижрий қамарий йилни ҳижрий шамсий йилга айлантирамиз. 1410 дан 1410 ни 33 га бўлинишидан чиққан натижани яхлитлаб айириш керак. Чиққан натижа ҳижрий шамсий йил бўлади.