¤збекистон республикаси

Болалар ревматизми


Умумий маълумотлар ва статистик кўрсатгичлар.

• 
  Ревматизм, ревматик иситма – А гуруҳининг -гемолитик стрептококклари келтириб чиқарадиган йирингсиз яллиғланиш касаллиги (одатда ўтказилган ангинадан 2-4 ҳафта кейин пайдо бўлади). Ушбу касаллик ҳозирги кунда ҳам ривожланаётган давлатларда кенг тарқалган касаллик бўлиб қолмоқда. Ревматизм ривожланишида юрак мушаклари ва қопқоп (клапан)лари шикастланиши сабабли касаллик оғир касалликлардан ҳисобланади. Кўпинча 5 ёшдан 15 ёшгача бўлган болаларда оғрийди. Касалланиш авжи 6-10 ёшга тўғри келади.
  

Этиологияси

• 
  Касаллик ривожланишида қуйидаги омиллар иштирок этади:
  

1. 
   стрептококкларнинг бевосита (туғридан-туғри) таъсири;
   
2. 
   стрептококкларнинг иммунологик намоён бўлган таъсири;
   
3. 
   персистирланувчи стрептококкли инфекция.
   

Диагностикаси

• 
  Ревматизмда Джонс мезонлари
  

Асосий мезонлар	Қўшимча мезонлар	Олдин ўтказилган стрептококк инфекция далиллари
Кардит Полиартрит Хорея Ревматик (ҳалқасимон) эритма Тери ости тугунлари	Клиник: Иситма Артралгия Анамнезида ревматик атака ёки юрак ревматик нуқсони	О антистрептолизин титри ёки бошқа антистрептококкли АТ, титрларининг катталашуви.
	Лаборатор: ЭЧТ Лейкоцитоз С-реактив оқсил концентрацияси Р-Q интервал катталашуви	Томоқ (ютқин) шиллиғида А гуруҳи стрептококклари. Анамнезида яқинда скарлатина билан оғриб ўтганлиги аниқланди.

УАШ тактикаси

• 
  Ревматизмга шубҳа қилинганда мутахассис педиатрга маслаҳатга юборилади. Педиатр махсус даволаш тайинлайди. Махсус даво – тушак режими, антибактериал яллиғланишга қарши, симптоматик (юрак етишмовчилигини даволаш учун), седатив (хореянинг оғир шаклларида) даводан иборат.
  

Прогнози

• 
  Ревматизм ўтказилгандан кейин, 60% ҳолатларда юракнинг орттирилган нуқсонлари ривожланади; 70% ҳолатларда митрал клапан нуқсонлари, 40% - аортал клапан, 10% - трикуспидал клапан, 2% ҳолатларда - ўпка клапанлари.