Ўзбекистон республикаси қурилиш вазирлиги ўзбекистон республикаси

Санитар-техник сопол буюмлари учун хомашё таркиби
12.2-жадвал

Таркиби	Миқдори, %
	фаянс	ярим фарфор	санитар-техник фарфор
Оловбардош тупроқ ва каолин	55-60	48-50	45-50
Кварц	40-50	40-45	30-35
Дала шпати	5-10	7-12	18-22

Фаянснинг сиқилишдаги мустаҳкамлиги 100МПа гача ва сув шимувчанлиги 12% дан кам бўлса, мос равишда ярим фарфорники, 150-200МПа ва 5% дан кам, фарфорники эса 500МПа гача ва 1% дан кам бўлади.

Илмий изланишлар натижасида ядро энергетикаси, машинасозлик, электрон ва ракета технологияларига мос хоссаларга эга бўлган махсус сопол буюмлар ишлаб чиқарилмоқда.
Сопол буюмларни янада жозибали, чиройли бўлиши учун улар юзаси ангобли оқ ёки ҳар хил рангли тупроқ қуйқаси билан 0,25-0,44 мм гача қалинликда суртилади. Оқ рангли ангоб қиздирилган оқ тупроқдан, рангли ангоб эса тупроққа обдон туйилган минерал бўёқ ёки синтетик пигментлар қўшиб тайёрланади.
Пардозбоп ғишт - тўғри шаклдаги, юзалари силлиқ ва бир хил рангли қоплама сопол ашёдир. Пардозбоп ғишт юзаси текис, тарам-тарам ва ботиқ чизиқли, дона-доноли сирти тўқ ва оч қизил, жигаррангларда бўлади. Бир бутун ёки ичи бўшлиқли шаклда ҳўл ёки ним қуруқ усулда ишлаб чиқарилади. Бундай ғиштни енгил, иссиқни кам ўтказувчан бўлиши учун лойга қипиқ ёки кўмир кукуни қўшиб куйдирилади ва ғовакли пардозбоп ғишт олинади. Ташқи девор қуришда зичлиги 840кг/м³ га тенг бўлган йирик ўлчамли сопол тошлари (510х260х219мм) ҳам ишлаб чиқарилади. Музлашга чидамлилиги 25 циклдан кам бўлмаслиги керак.
12.2 - расм. Биноларни ташқи деворларини қуришда ишлатиладига пардозбоп ғиштларни айрим турлари.