Ўзбекистон республикаси қурилиш вазирлиги ўзбекистон республикаси

Кремнеземли (динас) ўтга чидамли тупроқ қоришмасида SiО₂ 93% дан кам бўлмаслиги керак. Иссиққа чидамлилиги - 1670-1790^оС. Темир ва шиша эритиш ўчоқлари деворларини қоплашда ишлатилади.
Алюмосиликатли ўтгачидамли сопол буюмлар 3 гуруҳга бўлинади:
1-ярим нордон (SiО₂-93%, АI₂О₃-28%) ўтга чидамлилиги - 1610-1710^оС;
2-шамотли ашёлар (АI₂О₃ - 30-40%) ўтга чидамлилиги - 1580-1730^оС;
3-серглиноземли ашёлар (АI₂О₃-45%) ўтга чидамлилиги - 1820-1860^оС.
Магнезиал сопол буюмларнинг (MgO - 80-85%) ўтга чидамлилиги - 2000^оС га тенг, хромли буюмлар эса 1800-2000^оС да бузулмайди.
Чинни ва фаянс (хом ашё - чанг аралашган тупроқ) қоришмасини тайёрлашда таркибида асосан каолинит минерали бўлган тоғ жинси каолин ишлатилади. Барча нозик сопол ашёлари таркибини асосан дала шпати (микролин ва бошқалар) билан кварц ташкил этади. Қўшимча хом ашёлардан - кварц қуми, шамот, тошқол кабилар лойни пластиклигини камайтиради. Киришишини камайтириш ва қолиплашга қулай лой олиш учун юқори пластик тупроқ қўшилади. Сопол буюмлардан ҳар хил қоплама плиткалар ва кислотага чидамли ашёлар олиш учун суюқ шиша ёки ишқорни қумга қориштириб асосий қоришмага қўшилади.
Сопол буюмларни жозибали қилиш учун уларнинг юзасига глазур (немисча - шиша) суртилади. Сопол буюмга қалинлиги 0,15-0,3 мм қилиб суртилган глазур эриш ҳароратигача (1100-1300⁰С) қиздирилади. Агар глазур осон эрувчан бўлса, у ҳолда 900-1100⁰С гача қизидирилади. Эриган глазур сопол буюм юзасида 0,13-0,28 мм ли шишасимон сирга айланади.
Глазурлар ялтироқ ва ялтироқмас бўлади. Ялтироқ глазурни ранг берувчи оксидлар қўшиб қиздирилади. Ялтироқмасларига эса, пигментлар қўшилади. Шунингдек, глазурлар рангли ва рангсиз бўлади. Ранглигига 2-15% темир оксидлари кобальт (ҳаво ранг), хром (кўк), марганец (жигарранг) кабилар қўшилади. Рангсиз глазурларга қалай, сурма, рух қўшилади. Глазурлар темир сиртига суртиб эритилса эмал деб аталади. Қийин эрувчан глазур, мустаҳкам қопловчи ашёлар сифатида санитар-техник сопол буюмларини тайёрлашда агрессив муҳит таъсирига чидамлиликни оширади.
Бундай буюмларга ванна, раковина ва бошқалар киради. Улар фаянс, фарфор ва шу кабилардан тайёрланади. Санитар-техник сопол буюмларининг таркибидаги хомашёлар миқдори 12.2-жадвалда келтирилган.