Ўзбекистон республикаси қурилиш вазирлиги

Бинонинг ҳажмий -РЕЖАВИЙ ечими
Бино тўғри тўртбурчак шаклида бўлиб, унинг “1-14” ўқлар бўйлаб узунлиги L=39 м, “А-В” ўқлар бўйлаб эни B=12 м.
Қаватлар баландлиги биринчи қават полидан иккинчи қават полигача 9 м ни ташкил қилади. Цоколь қисми эса h_ц=1,2 м ни ташкил этади.
Бинонинг умумий баландлиги 20 м.
Бинолардаги хоналарни вазифаларига қараб, асосий (ишчи), ёрдамчи ва коммуникация хоналарига бўлинган.
Асосий хоналарга бинонинг функционал вазифасига мос равишда кишилар томонидан бажариладиган фаолиятга мўлжалланган яшаш хоналари киради.
Бироқ бинодаги асосий жараённи амалга ошириш учун асосий хоналардан ташқари бошқа хоналар ҳам керак бўлади. Шулардан бири ёрдамчи хоналардир. Улар бинода амалга ошириладиган жараёнларнинг бажарилишини таъминлаши зарур, лекин бинонинг вазифасини белгиламайди, бунга квартирадаги ошхона, ваннахона, ҳожатхона кабилар мисол бўлади.
Бинолардаги асосий ва ёрдамчи функционал вазифаларни бажарувчи барча хоналар коммуникация хоналари воситасида ўзаро боғланган бўладилар. Уларнинг асосий вазифаси - кишиларнинг ҳаракатланишига қулайлик яратишдир (коридор, йўлаклар, зина, лифт ва шунга ўхшашлар).
Хоналарни бир-биридан ажратилган, план ечим бир хил ёки бир-бирига ўхшаш бўлмаларда (отсек) жойлаштириш планировканинг секция системаси номини олган. Бу система мен лойиҳалаётган бинода қўлланилган.


Бинонинг конструктив ечими
Бинонинг конструктив ечими лойҳалаштиришнинг дастлабки босқичида конструктив ва қурилиш системаларини ҳамда конструктив схемаларни танлаш билан белгиланади.
Горизонтал юкларни вертикал конструкцияларга узатишни турли усуллар билан амалга ошириш мумкин (барча вертикал конструкцияларга ёки махсус вертикал диафрагмаларга, боғловчи элементларга, ёки ҳар иккаласига ҳам).
Вертикал юк кўтарувчи конструкциялар турли хил. Бу конструкцияларнинг тури конструктив системаларни турларга бўлиш учун белги бўлиб хизмат қилади. Менинг лойиҳамда вертикал юк кўтарувчи конструкцияларни ясси конструкциялар (деворлар)дир. Шу вертикал юк кўтарувчи конструкцияларнинг турларига мос равишда асосий конструктив системани каркассиз (деворли) системани танладим.
Биноларни деворли (каркассиз системада) лойиҳалашда, асосан, бўйлама деворлар юк кўтарадиган конструктив схема қўлланилди.