Программа бажарилишини бошқариш

Программа бажарилишини бошқариш

Шарт операторлари

Юқорида мисол тариқасида келтирилган программаларда операторлар ёзилиш тартибида кетма-кет ва фақат бир марта бажарилган ҳолатлар, яъни чизиқли алгоритмлар келтирилган. Амалда эса камдан–кам масалалар шу тариқа ечилиши мумкин. Аксарият масалалар эса юзага келадиган турли ҳолатларга боғлиқ равишда мос қарор қабул қилишни (ечимни) талаб этади. С++ тилида программанинг алоҳида бўлакларини бажарилиш тартибини бошқаришга имкон берувчи қурилмаларнинг етарлича катта мажмуасига эга. Масалан, программа бажарилишининг бирорта қадамида қандайдир шартни текшириш натижасига кўра программанинг у ёки бўлагига бошқарувни узатиш мумкин (тармоқланувчи алгоритм). Тармоқланишни амалга ошириш учун шартли оператордан фойдаланилади.

if операторлари

if оператори қандайдир шартни ростликка текшириш натижасига кўра программада тармоқланишни амалга оширади:
if (<текшириладиган шарт> )<оператор>1;
<оператор>2;
Бу ерда <текшириладиган шарт> ҳар қандай ифода бўлиши мумкин, одатда у таққослаш оператори бўлади.
Агар текшириладиган_шарт рост (true) бўлса, <оператор>1 бажарилади, акс ҳолда (false) программа <оператор>2 бажаришга ўтади.
С++ тилининг қурилмаларида операторларни блок кўринишида бўлишига имкон беради. Блок ‘{‘ ва ‘}’ белги оралиғига олинган операторлар кетма-кетлиги бўлиб, у компилятор томонидан яхлит бир оператор деб қабул қилинади.
Қуйида келтирилган программада if операторидан фойдаланиш кўрсатилган.
#include
using namespace std;

int main()

{
int b;
cin>>b;
if (b>0)
{ // b>0 шарт бажарилган ҳолат
…
cout << “b – мусбат сон”;
...
}
if (b<0)
cout <<“b – манфий сон”; // b < 0 шарт бажарилган ҳолат
return 0;
}
Программа бажарилиши жараёнида бутун турдаги b ўзгарувчи эълон қилинади ва клавиатурадан қиймати киритилади. Кейин b қийматини 0 сонидан катталиги текширилади, агар шарт бажарилса (true) ‘{‘ ва ‘}’ белгилар ичидаги операторлар бажарилади ва экранга “b – мусбат сон” хабари чиқади. Агар шарт бажарилмаса, бу операторлар чеклаб ўтилади. Навбатдаги шарт оператори b ўзгарувчи қийматини манфийликка текширади, агар шарт бажарилса ягона cout кўрсатмаси бажарилади ва экранга “b – манфий сон” хабари чиқади.