Ўзбекистон республикаси қурилиш вазирлиги самарқанд давлат архитектура-қурилиш институти

Таваккалчиликни босқичма – босқич баҳолаш усули
Таваккалчиликни босқичма – босқич баҳолаш усули лойиҳанинг ҳар бир босқичи учун таваккалчиликни алоҳида баҳолашга асосланган. Кейинчалик лойиҳанинг ҳар бир босқичи учун тўпланган баллар йиғилиб, бутун лойиҳа учун баҳо берилади.
Одатда ҳар бир лойиҳани баҳолашда қуйидаги босқичларга бўлиб баҳолаш мумкин:
Тайёргарлик босқичи: - лойиҳани амалга оширишни бошлаш учун, керакли ишлар мажмуасини амалга ошириш.
Қурилиш: - керакли бино ва иншоатларни қуриш ва асбоб – ускуна, жиҳозларни сотиб олиш, ўрнатиш ишларини амалга ошириш.
Эксплутация (бинодан фойдаланиш даври): - лойиҳани тўлиқ қуввати билан ишлашини таъминлаш ва фойда олиш.
Ҳар бир қилинаётган ҳисоб – китоблар икки марта амалга оширилади:

1. 
   Лойиҳани тузиш (ишлаб чиқаётган) вақтида;
   
2. 
   Лойиҳани амалга оширишга катта зарар келтирадиган ҳолатлар пайдо бўлган вақтда (аниқлангандан) кейин.
   

Инвестиция лойиҳасини таваккалчилиги нуқтаи назаридан қандай тузилганлигини баҳолаш учун мутахассислар (экспертлар) фикридан фойдаланилади.
Ҳар бир экспертлар тамонидан кўрсатилган камчиликларнинг пайдо бўлиш эҳтимолини баҳолаш учун қуйидаги баҳолаш тизимидан фойдаланилишни мақсад қилдик:

• 
  0 балл – таваккалчилик (хавф – хатар) йўқ;
  
• 
  25 балл – хавф – хатар амалга ошмайди ёки таваккалчиликдан зарар кўрилмайди;
  
• 
  50 балл – лойиҳани амалга оширганда таваккалчилик нимага олиб келиш мумкинлигини айтиш бироз қийинроқ;
  
• 
  75 балл - таваккалчилик (хавф – хатар) пайдо бўлади, зарар келтириш мумкин;
  
• 
  100 балл - таваккалчиликдан жиддий (катта) зарар кўриш мумкин, хавф – хатар албатта амалга ошади.
  

Агар лойиҳани баҳолашда бир нечта экспертлар қатнашса уларнинг бир нарсани баҳолашдаги фикрларини бир – бирига тўғри келишлиги таҳлил қилинади.
Экспертларнинг фикрларини ўзаро мос келиши 50(%) фоиз кам бўлмаслиги лозим деб ҳисобланади.