Ўзбекистон республикаси “Ҳунарманд” уюшмаси ўзбекистон республикаси бандлик ва меҳнат муносабатлари вазирлиги

Саноқ кашта ва эркин кашта расми қўйилади
Каштачиликда ёғоч дастали икки хил, яъни илмоқли ва илмоқсиз бигизлар ишлатилади. Айрим материалларга масалан, чарм ва картонга қийналмасдан тикиш учун илмоқсиз бигизлар ишлатилади. Нақшлар учун ўткир учли 10-12 см узунликдаги қайчилар ишлатилади. Ип ва игна кашта тикиладиган матолар қалинлигига мос қилиб танланади. Тикиш қулай бўлиши учун қатим 50-60 см дан узун бўлмаслиги лозим, кашта чамбаракда тикилса, ангишвона ишлатилмайди.
Намуна расм
Кашта тикишда аввало нақш нусхаси матога турли усуллар, жумладан нусха кўчириладиган қоғозлар (андоза), ёруғлик ёрдамида туширилади.
Кашта гулини газламага кўчиришга тайёрлашда калька қоғози ҳам ишлатилади. Нақш аввал асл нусхадан калька қоғозига, сўнгра калька қоғозидан газламага кўчирилади. Кашта гулини газламага кўчириш учун нусха олиш қоғозидан ҳам фойдаланилади. Безак буюмларининг ўзларига муносиб кашта гуллари ва шу кашталарни тикиш услублари мавжуд. Кашта тикишда андоза ва ҳар хил нусхалардан кенг фойдаланилади. Каштага танланган гул, тасвир буюм ҳажмига мос ҳолда тайёрланади.
Тасвир андозадан матога қуйидаги усуллар билан кўчирилади:

1. 
   қоғозга чизилган гул чизиқлари устидан игна билан бир меъёрда тешиб чиқилади, кейин андоза мато устига қўйилади ва матонинг рангига қараб қурум, кўмир, бўр кукуни сепилади;
   
2. 
   нусха кўчириладиган қоғоздан фойдаланилади;
   
3. 
   мовут, бахмал, жилоли шойи матоларга андоза қўйиб, нақш гул чизиқлари устидан кўклаб чиқилади, сўнгра қоғоз секин йиртиб олинади ва кашта тикилади.
   
4. 
   юпқа матоларга нусха кўчиришда шиша тахтаси устига андоза, унинг устига мато қўйиб, кейин лампага тутилади, кўринган тасвир қора қалам билан чизиб чиқилади.
   

Безакни ёруғлик ёрдамида кўчириш. Юпқа шаффоф газламаларга кашта гулини газлама тагидан ёритиш йўли билан кўчириш мумкин. Тагига лампа қўйилган ойна устига яхши кўринадиган кашта гулини қўйиб, унинг устига яхши тортилган (кергига ўрнатилган) газлама қўйилади. Газлама тагида кўриниб турган кашта гулини учи яхши очилган қалам билан газламага чизиб чиқилади.