Ўзбекистон Республикаси умумий ўрта таълим мактаблари ва ўрта махсус, касб-ҳунар таълим муассасалари ўқувчиларининг умумтаълим фанлари бўйича фан олимпиадаларини ўтказиш бўйича тавсия ва баҳолаш мезонлари

Masalan:

Adabiyot

1 kurs ( 9-sinf)
1.Javobi tanlanadigan test
Badiiy adabiyotda «saj’» nimani bildiradi?
A. Vazn turi
V. Nasriy qofiya.
S. Misra so‘nggida takror.
D. Badiiy san’at turi.
2. Javobi yoziladigan test
a-a, b-a, v-a tarzida qofiyalanish qaysi she’r turiga xos?
……………… ………………………………………………
2 kurs
1.Javobi tanlanadigan test
Jamoling vasfini qildim chamanda,
Qizordi gul uyattin anjumanda
Atoyi g‘azalining ushbu matlasida qanday she’riy san’at qo‘llangan?
A. Irsoli masal
V. Talmeh
S. Jonlantirish
D. Mubolag‘a
2.Javobi yoziladigan test
O‘tg‘a solg‘il sarvni ul qaddi mavzun bo‘lmasa
Elga bergil gulni, ul ruxsori gulgun bo‘lmasa Navoiy ijodidan olingan ushbu misralardagi asosiy g‘oyani yozing? …………………………………………………………………


3 kurs (11-sinf)
1.Javobi tanlanadigan test
«Mehrobdan chayon» asaridagi Solih Maxdum obrazini «orasida eng jonli, eng yorqin, eng tipik figura» deb kim ta’riflagan?
A. Pirimqul Qodirov
V. Muso Toshmuhammad o‘g‘li Oybek
S. Abdulla Qodiriy
D. Maqsud SHayxzoda
2.Javobi yoziladigan test
«Surat» lirik qissasi kimning qalamiga mansub?……………………………………

Og‘zaki suhbat

Olimpiadanig birinchi (ta’lim muassasasi), ikkinchi (tuman) bosqichlarida suhbat tarzida o‘tkaziladigan turda o‘quvchining qancha badiiy asarlarni o‘qigani, qay darajada tushunishi, asardan olgan taassurotlari va ifodali yod o‘qishi sinab ko‘riladi.
Og‘zaki suhbatda quyidagilarga:

• 
  badiiy matnni vazn talablariga amal qilgan holda ravon, yoddan aytishi;
  
• 
  matnning ohangdor, ta’sirchan, ifodali aytilgani ;
  
• 
  so‘z urg‘usi, mantiqiy urg‘uni to‘g‘ri qo‘yib aytganligi;
  
• 
  asar mazmuni, g‘oyasini jonli, badiiy va aniq ifodalay olgani;
  
• 
  tasvirlarni, so‘zlarni adabiy talaffuz me’yorlariga amal qilgan holda aytishi;
  
• 
  o‘zini tutishi, qo‘l harakati, imo-ishora kabi vositalardan o‘rinli foydalanganiga e’tibor beriladi.